Last updated on September 17th, 2022 at 07:08 pm
ಸೋಣ ಪೋಪಿ ಸಂಕ್ರಾಂದಿದ ಎಡ್ಡೆ ದಿನೊತಾನಿ ನಡತಿನ ತುಡರ ಸಿರಿ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ ಕತ್ತಲ್ಸಾರ್ ತಾರೆದ ತಿರಿ ಬುಡ್ಪಾದ್ ಉದಿಪನ ಮಲ್ತೆರ್, ತುಳುವಪ್ಪೆನ ಪಟಕ್ಕ್ ಕೇಪುಲ ಪುರ್ಪ ಪಾರ್ದ್ ತುಳುಅಪ್ಪೆನ್ ಮತ್ತರ್ಮೆಡಿತ್ತಿನ ಬಿನ್ನೆರ್ ನಕುಲು ಸುಗಿತೆರ್.
ದಯಾನಂದ ಕತ್ತಲ್ಸಾರ್ ತುಳುಕ್ಕು ಅಧಿಕೃತ ರಾಜ್ಯಬಾಸೆದ ಮಾನಾದಿಗೆ ತಿಕ್ಕೊಡು ಐಕ್ ನಿಕುಲು ಪುನೆಪಾಟ ಮಲ್ಪೊಡು ಪಂದ್ ಪಂಡೆರ್, ತುಳುಲಿಪಿತ ಬಗ್ಗೆ ಪೊಲಬು ಮಲ್ತ್ ಕೊರಿಯೆರ್.ನಿಟ್ಟೆ ರೋಬೋಟಿಕ್ಸ್ ಕ್ಲಬ್ ದಕ್ಲೆನ ರೋಬೋಟುಗು ಅಗೋಲಿ ಮಂಜನ್ನನ ಪುದರ್ ದೀಯೆರ್. ಈ ಪೊರ್ತುಡು ನಿಟ್ಟೆ ಯೂನಿವರ್ಸಿಟಿರ್ದ್ ಬೈದಿನ ಸಾಯಿಗೀತ ಮೆರ್ ಬಿನ್ನೆರ್ನ ನಿಲೆಟ್ ಪಾತೆರಿಯೆರ್, ನಿಟ್ಟೆದ ಪ್ರಾಂಶುಪಾಲೆರ್ ನಿರಂಜನ್ ಎನ್ ಚುಪ್ಲುಂಕರ್ ಲೇಸ್‌ದ ಗುರ್ಕಾರ್ಲೆನ ನಿಲೆಟ್ ಪಾತೆರ್ದ್ ತುಳು ಬಾಸೆಗ್ ಏಪೊಲ ಬೆರಿಬಲೊ ಕೊರ್ಪ ಪಂಡೆರ್.