Last updated on February 22nd, 2025 at 08:29 am
ಗುವಾಹಟಿ (ಫೆ.22): ಅಸ್ಸಾಂ ವಿಧಾನಸಭೆಟ್ ಅಧಿವೇಶನದ ಪೊರ್ತುಡು ಶಾಸಕೆರೆಗ್ ಕೊರೊಂದಿತ್ತಿನ 2 ಗಂಟೆದ ಶುಕ್ರವಾರೊದ ನಮಾಜ್ ಬ್ರೇಕ್‌ನ್ ಸುಮಾರ್ 88 ವರ್ಸರ್ದ್ ಬೊಕ್ಕ ಉಂದುವೇ ಕಡೀರ ಸರ್ತಿ ಉಂತಾದೆರ್.
ರಾಜ್ಯದ ಬಿಜೆಪಿ ಸರ್ಕಾರೊದ ಆಶಯೊದ ಪ್ರಕಾರ ನಮಾಜ್ ವಿರಾಮೊನು ಉಂತಾವುನ ನಿರ್ಣಯೊನು ಕರಿನ ಆಗಸ್ಟ್‌ಡೇ ಮಲ್ತಿತ್ತೆರ್. ಆಂಡ ಈ ಅಧಿವೇಶನೊರ್ದು ಜಾರಿಗ್ ಬೈದ್ಂಡ್.
ಉಂದೆಕ್ ಮುಸ್ಲಿಂ ಶಾಸಕೆರ್ ವಿರೋಧ ತೂಪಾದೆರ್. ‘ವಿಧಾನಸಭೆಟ್ ಸುಮಾರ್ 30 ಮುಸ್ಲಿಂ ಶಾಸಕೆರ್ ಇತ್ತ್‌ದ್, ಮಾತೆರ್ಲಾ ಈ ಕ್ರಮೊನು ವಿರೋಧಿಪುವ. ಆಂಡಲಾ ಬಿಜೆಪಿ ಸಂಖ್ಯಾಬಲ ಉಂಡು ಇನ್ಪಿನ ನೆವನೊಗು ಆ ನಿರ್ಧಾರ ಗೆತೊಂದುಂಡು’ ಪನ್ದ್ ಪಿಸಿರಾತೆರ್. ಆಂಡ ಉಂದೆಕ್ ಪಿರಪಾತೆರ್ನ ಸ್ಪೀಕರ್‌ ಬಿಸ್ವಜಿತ್‌ ದೈಮಾರಿ, ‘ಸಂವಿಧಾನೊದ ಜಾತ್ಯತೀತ ತತ್ವೊಗು ಅನುಸಾರವಾದ್ ಈ ಕ್ರಮ ಗೆತೊಂದುಂಡು. ಬೇತೆ ದಿನೊತ ಲೆಕ ಶುಕ್ರವಾರಲಾ ಒವ್ವೇ ನಮಾಜ್ ಬ್ರೇಕ್ ದಾಂತೆ ಸದನ ನಡಪುಂಡು’ ಪನ್ದ್ ಪನ್ಡೆರ್.
ಈ ಕ್ರಮೊನು ಎದುಕೊಂಡಿನ ಸಿಎಂ ಹಿಮಂತ ಬಿಸ್ವ ಶರ್ಮ, ‘1937ಟ್ ಮುಸ್ಲಿಂ ಲೀಗ್‌ ನಾಯಕೆ ಸಯ್ಯದ್‌ ಸಾದುಲ್ಲಾ ಈ ಕಟ್ಟ್ ಸುರು ಮಲ್ತಿತ್ತೆರ್’ ಬೆಚ್ಚೊಡು ಪನ್ಡೆರ್.