Last updated on March 1st, 2025 at 05:30 pm
ಆಂಧ್ರಪ್ರದೇಶೊದ ಶ್ರೀಕಾಕುಳಂ ಜಿಲ್ಲೆದ ದೇಲಂತಡೆದ ಬ್ರಹೋತ್ಸವದ ಪೊರ್ತುಡು ಬಟ್ರ್ ಒರಿ ಡಿಜೆ ಸಾಂಗ್‌ಗ್ ಬ್ರೇಕ್-ಡ್ಯಾನ್ಸ್ ಮಲ್ತ್ ವೈರಲ್ ಆತೆರ್. ಈ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.
ಅಂಧ್ರದ ಶ್ರೀಕಾಕುಳಂ ಜಿಲ್ಲೆದ ಮಂದಸಾ ಗ್ರಾಮೊದ ಶ್ರೀ ವಾಸುದೇವ ಪೆರುಮಾಳ್ ದೇಲಂತಡೆಡ್ ಫೆಬ್ರವರಿ 17 ರ್ದ್ 23 ಮುಟ್ಟ ನಡತಿನ 16 ನೇ ವರ್ಸೊದ ಬ್ರಹೋತ್ಸವದ ಪೊರ್ತುಡು ಈ ನಡಕೆ ನಡತ್‌ದ್ಂಡ್‌ಗೆ.
ಪ್ರತಿ ವರ್ಸ ಈ ದೇಲಂತಡೆಡ್ ಬ್ರಹ್ಮೋತ್ಸವ ನಡತೊಂದಿತ್ತ್‌ದ್ ಈ ಪೊರ್ತುಡು ಸಾಮಾನ್ಯವಾದ್ ಸಾಂಪ್ರದಾಯಿಕ ಸ್ತೋತ್ರೊಲು ಬೊಕ್ಕ ಭಕ್ತಿಗೀತೆ ಪಾಡೊಂದಿತ್ತೆರ್‌ಗೆ, ಆಂಡ ಈ ವರ್ಸೊದ ತೇರ್‌ದ ಪೊರ್ತುಡು ಭಕ್ತಿಗೀತೆಲೆಡೊಪ್ಪ ಡಿಜೆಲಾ ಗಲಸ್‌ದೆರ್. ಈ ನಡುಟು ಬಟ್ರ್ ಒರಿ ಡಿಜೆ ಸಾಂಗ್‌ಗ್ ಬ್ರೇಕ್ ಡಾನ್ಸ್ ಮಲ್ತಿನವು ಅಲ್ಪ ಇತ್ತಿನ ಜನೊಕ್ಲೆಗೇ ಸೋದ್ಯ ಆತ್ಂಡ್. ಇತ್ತೆ ವೈರಲ್ ಆತಿನ ಈ ವಿಡಿಯೋ ಸಂಪ್ರದಾಯ ಬೊಕ್ಕ ಆಧುನಿಕತೆದ ಬಗೆಟ್ ಚರ್ಚೆ ಉಂಡು ಮಲ್ದ್ಂಡ್.
ಕೆಲವೆರ್ ಬಟ್ರೆನ ಡಾನ್ಸ್‌ನ್ ಪುಗರ್ಯೆರ್ನ್ಡ, ಕೆಲವೆರ್ ಧಾರ್ಮಿಕ ಭಾವನೆಲೆಗ್ ಪೆಟ್ಟಾಪುಲೆಕ ಉಂಡು ಪನ್ದ್ ಪನ್ತೆರ್.