Last updated on March 20th, 2025 at 10:59 am
ಚೆನ್ನೈ, ಮಾ. 20: ನಡುತಾದಿಡ್ ರೌಡಿ ಒರಿಯನ್ ಬರ್ಬರವಾದ್ ಕೆರ್ತಿನ ನಡಕೆ ತಮಿಳುನಾಡ್‌ದ ಈರೋಡ್‌‌ಡ್ ನಡತ್‌ದ್ಂಡ್.
ಜಾನ್ ಅಲಿಯಾಸ್ ಚಾಣಕ್ಯನ್ ಸೈದಿನ ರೌಡಿಶೀಟರ್. ಬುದಾರ ಕಾಂಡೆ ಸೇಲಂರ್ದ್ ತಿರುಪುರಗ್ ಜಾನ್ ದಂಪತಿ ಕಾರ್‌ಡ್ ಪೋವೊಂದಿತ್ತೆರ್. ಮಧ್ಯಾಹ್ನ ಗೌಡಮ್ ಪಾಳ್ಯಮ್ ದ ಕೈತಲ್ ಪೆರ್ಸಾದಿಡ್ ರೌಡಿಲು ದಾಳಿ ಮಲ್ತ್‌ದೆರ್. ಕಾರ್‌ನ್ ಬೆರಿಪತೊಕದು ಬತ್ತಿನ ನಾಲ್ ಜನ ಜಾನ್‌ನ ಕಾರ್‌ನ್ ಉಂತದ್ ತಾರಾಮರ ಮಾರಾಕಾಸ್ತ್ರೊಲೆಡ್ ಆಕ್‌ದೆರ್.
ಈ ಪೊರ್ತುಡು ಕಂಡನ್ಯನ್ ಒರೀತೊನ್ರ ಅಡ್ಡ ಬತ್ತಿನ ಬೊಡೆದಿನ ಮಿತ್ತ್‌ಲಾ ದಾಳಿ ಮಲ್ತ್‌ದೆರ್. ಜಾನ್ ಅಲ್ಪನೇ ಕಾಲಿ ಆಯೆರ್ನ್ಡ ಬೊಡೆದಿಗ್ ಗಾತಿದ ಗಡಿಕುಲಾದಿತ್ತ. ಆರೆನ್ ಮುಟ್ಟದಕುಲು ಸೇರ್ದ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ತಾದಿಡೆ ಪೋವೊಂದಿಪ್ಪುನಕುಲು ಕೆರ್ಪುನ ದೃಶ್ಯೊನು ಮೊಬೈಲ್‌ಡ್ ರೆಕಾರ್ಡ್ ಮಲ್ದೆರ್. ಚಿತ್ತೋಡ್ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.