Last updated on March 23rd, 2025 at 03:01 pm
ಇತ್ತೆ ಉಪ್ಪುನ ಕುಡ್ಲ-ಮಡಗಾಂ(ಗೋವಾ) ವಂದೇ ಭಾರತ್ ರೂಟುನು ಕುಡ್ಲ-ಮುಂಬೈ ಮುಟ್ಟ ಕೊನೊಪಿನ ಬಗೆಟ್ ರೈಲ್ವೇ ಇಲಾಖೆ ಗಂಭೀರವಾದ್ ಚಿಂತನೊ ಮಲ್ತೊಂದುಂಡು ಪನ್ದ್ ತೆರಿದ್ ಬೈದ್ಂಡ್. ಉಂದೆರ್ದ್ ಕುಡ್ಲರ್ದ್ ಮುಂಬೈ ಮುಟ್ಟ 12 ಗಂಟೆಡ್ ಎತ್ತೊಲಿ.
ಕುಡ್ಲರ್ದ್ ಗೋವಾಗ್ ಉಪ್ಪುನ ವಂದೇ ಭಾರತ್ ರೈಲ್ ಸುಮಾರ್ 4-30 ಗಂಟೆಡ್ ಎತ್ತುಂಡು. ಆಂಡ ಉಂದೆಟ್ ಕಾಲಿ 40%ದಾತ್ ಮಾತ್ರ ಜನ ಉಪ್ಪುವೆರ್ ಅಂಚಾದ್ ನಷ್ಟೊಡು ಪೋವೊಂದುಂಡು. ರೈಲ್ವೇ ಇಲಾಖೆ ಉಂದೆನ್ ಕುಡ್ಲ ಬುಡ್ದ್ ಕೇರಳ ಮುಟ್ಟ ಕೊನೊಪಿನ ಅಟ್ಟನೆ ಮಲ್ತೊಂದಿತ್ತ್ಂಡ್. ತುಳುನಾಡ್ ದ ಎಂ.ಪಿನಕಲೆನ ವಿರೋಧ ಉಂದೆಕ್ ಇತ್ತಿನೆರ್ದಾವರ ಸರಕಾರ ಈ ನಿರ್ದಾರೊನು ಪಿರ ಬುಡ್ತ್ಂಡ್.
ಕುಡ್ಲರ್ದ್ ಮುಂಬೈಗ್ ಹೈಸ್ಪೀಡ್ ರೈಲ್ ದ ಡಿಮಾಂಡ್ ಮಸ್ತ್ ಉಂಡು. ಅಂಚಾದ್ ಸರಕಾರ ಕುಡ್ಲರ್ದ್ ಮುಂಬೈ ಮುಟ್ಟ ವಂದೇ ಭಾರತ್ ರೈಲ್ ಒಂಜೇ ರೂಟುಡು ಮಲ್ಪುನ ಬಗೆಟ್ ನಿರ್ದಾರ ದೆತೊನುಂಡು ಪನ್ದ್ ತೆರಿದ್ ಬೈದ್ಂಡ್.