Last updated on September 22nd, 2022 at 02:58 pm
ಕರ್ನಾಟಕೊದ ಮುಖ್ಯಮಂತಿರ್ಲು ಬಸವರಾಜ ಬೊಮ್ಮಾಯೆರ್ನ ಫೋಟೋ ಪಾಡ್ದ್ ‘PayCM’ ಪಂದ್ ಪೇಟಿಎಂದ ಕೋಡ್ ಲೆಕ ಬರೆತಿನ ಪೋಸ್ಟರ್‌ ಬೆಂಗ್ಳೂರ್‌ಡ್ ಅಲ್ಪಲ್ಪ ಬುದಾರೊದಾನೀ ತೂವರೆ ತಿಕ್ಕ್‌ದ್ಂಡ್‌.
ಕಾಸ್ ಕಡಪುಡುನ ತಂತ್ರಾಂಶ ಪೇಟಿಎಂ(Paytm) ದ ಕ್ಯೂಆರ್ ಕೋಡ್ ಲೆಕ ಮಲ್ತ್‌ದ್ ನಡುಟ್ ಮುಖ್ಯಮಂತಿರ್ಲೆನ ಫೋಟೋ ಪಾಡ್ದ್ ‘ಮುಲ್ಪ 40% ಗೆತೊನುವ’ ಪಂದ್ ಬರೆತ್ಂಡ್. ಇಂಚಿಪ್ಪೊಗು ಬಿಜೆಪಿದ ವಿರುದ್ಧ ಕೇಂದ್ ಬತ್ತಿನ 40% ಕಮಿಷನ್‌ದ ಆರೋಪೊನು ಎದ್‌ರ್ ದೀವೊಂದು ಈ ಕಜ್ಜ ನಡತ್‌ದ್ಂಡ್.
ಸರಕಾರಿ ಬೇಲೆಲೆರ್ದ್ ಪತ್ತಿನ ಕಂತ್ರಾಟ್ ಮುಟ್ಟ ಕಮಿಷನ್‌ದಾಂತೆ ಒವ್ಲಾ ನಡಪುಜಿ ಪಂದ್ ಕಾಂಗ್ರೆಸ್ ಪಾರ್ಟಿ ರಾಜ್ಯ ಸರ್ಕಾರೊನು ದೂರೊಂದುಂಡು. ನೆತ್ತ ಒಟ್ಟುಗು ಒಂಜಿ ಟೋಲ್‌ಫ್ರೀ ಹೆಲ್ಪ್‌ಲೈನ್ (844 770 40 40) ಬೊಕ್ಕ www.40percentsarkara.com ಪನ್ಪಿ ವೆಬ್‌ಸೈಟ್‌ಲಾ ಉಂಡುಮಲ್ತ್‌ದ್ ಜನೊಕ್ಲೆಡ ದೂರು ಕೊರ್ಯೆರ ಬಿನ್ನೈತೊಂದೆರ್