Last updated on April 4th, 2025 at 02:28 pm
ಉತ್ತರ ಪ್ರದೇಶ, ಏ. 04: ತನ್ನ ಮದಿಮೆದ 25ನೇ ವರ್ಸ ದಿನೊತಾನಿ ಆಂಜೊವು ಒರಿ ಬೊಡೆದಿನ ಒಟ್ಟುಗು ನಲಿತೊಂದಿಪ್ಪುನಗ ಹಾರ್ಟ್ ಅಟ್ಯಾಕ್‌ ಆದ್ ತೀರ್ದಿನ ನಡಕೆ ಉತ್ತರ ಪ್ರದೇಶೊದ ಬರೇಲಿಡ್ ನಡತ್‌ದ್ಂಡ್.
ಮಿತ್ತರ್ಮೆಡ್ ಬೊಡೆದಿನ ಒಟ್ಟುಗು ನಲೀತೊಂದಿತ್ತೆರ್, ಒರರ್ದ್ ಒರಾನೆ ಕುಸ್ಕ್‌ದ್ ಬೂರ್ದೆರ್. ಅಲ್ಪ ಇತ್ತಿನಕುಲು ಅಪಗನೇ ಆರೆನ್ ಆಸ್ಪತ್ರೆಗ್ ದಾಕಲ್ತ್‌ದೆರ್.
ಆಂಡ ಅಡೆ ಎತ್ತೆರಾನಗ ಆರೆನ ಜೂವ ಪೋದಿತ್ತ್ಂಡ್. ಹಾರ್ಟ್ ಅಟ್ಯಾಕ್‌ ಆದ್ ತೀರ್ದೆರ್ ಪನ್ದ್ ಬೈದ್ಯೆರ್ ತೆರಿಪಾದೆರ್. ಈ ನಡಕೆದ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ತೀರ್ದಿನಾರೆನ್ ವಾಸಿಮ್ ಸರ್ವತ್ ಪನ್ದ್ ಗುರ್ತ ಪತ್ತ್‌ದೆರ್.