Last updated on September 23rd, 2022 at 09:07 am
ಉತ್ತರ ಪ್ರದೇಶೊದ ಮುಖ್ಯಮಂತಿರ್ಲು ಯೋಗಿ ಆದಿತ್ಯನಾಥೆರ್ ಅಧಿವೇಶನೊದ ಒಂಜಿ ದಿನೊನು ಪೊಂಜೊವು ಪದುಕೆರೆಗಾದ್ ಗೊತ್ತ್‌ಮಲ್ತ್‌ದ್ ದೇಶೊದ ಆಲ್ಮೆಡೇ ಪೊಸ ಪಜ್ಜ ದೀತೆರ್. ನೆರ್ದಾವರ ನನಲಾತ್ ಎಡ್ಡೆಂತಿನ ನಿರ್ಧಾರೊಲೆನ್ ಗೆತೊನೊಲಿ ಪಂದ್ ಆರ್ ಪಂಡೆರ್.
ಗುರುವಾರೊದಾನಿ ನಡತಿನ ಅಧಿವೇಶನೊಡು ಕಾಲಿ ಪೊಂಜೊವುನಕಲೆಗ್ ಮಾತ್ರ ಪಾತೆರರೆ ಅವಕಾಶ ಕೊರ್ದಿತ್ತೆರ್. ದೇಶೊದ ಮಾಮಲ್ಲ ಶಾಸಕಾಂಗ ಆದಿಪ್ಪುನ ಉತ್ತರ ಪ್ರದೇಶ ಈ ವಿಷಯೊಡು ಬೇತೆ ರಾಜ್ಯೊಲೆಗ್ ಮಾದರಿ ಆತ್ಂಡ್. ಈ ಬೇಲೆ ನೆಕ್ಕ್ ದುಂಬೇ ಆವೊಡಿತ್ತ್ಂಡ್ ಪಂದ್ ಆರ್ ಪಂಡೆರ್.
ಈ ಅಧಿವೇಶನೊಡು ಪೊಂಜೊವುಲೆನ್ ಬುಡ್ದ್ ಯೋಗಿ ಆದಿತ್ಯನಾಥೆರೆಗ್ ಬೊಕ್ಕ ವಿರೋಧ ಪಕ್ಷೊದ ಗುರ್ಕಾರೆ ಅಖಿಲೇಶ್ ಯಾದವೆರೆಗ್ ಮಾತ್ರ ಪಾತೆರರೆ ಅವಕಾಶ ಇತ್ತ್ಂಡ್.