Last updated on April 13th, 2025 at 11:43 am
ಕಟ್ಪಾಡಿ, ಎ.13: ತುಳು ಭಾಷೆ, ಲಿಪಿ, ಸಂಸ್ಕೃತಿ, ಸಾಹಿತ್ಯೊದ ಒರಿಪು, ಬುಲೆಚ್ಚಿಲ್‌ಗ್ ನಡತೊಂದುಪ್ಪುನ ತುಳುನಾಡ್ ಕಾನ್‌ಕ್ಲೇವ್‌ಡ್ ಪಾತೆರ್ನ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ ಬೊಕ್ಕ ತುಳು ಬದ್‌ಕ್ ವಸ್ತು ಸಂಗ್ರಹಾಲಯೊದ ಗುರ್ಕಾರೆ ಡಾ. ತುಕಾರಾಮ್ ಪೂಜಾರ್ಲು ತುಳುನಾಡ ಇತಿಹಾಸೊಡು ತುಳು ಜನಪದೆರೆ ಪಾತ್ರೊದ ಬಗೆಟ್ ಪಾತೆರೊಂದು ಕಾಲಿ ರಾಜೆರೆನ ಇತಿಹಾಸ ನಮ್ಮ ಇತಿಹಾಸ ಅತ್ತ್, ಪಿರಾಕ್‌ದ ಸೊತ್ತುಲು, ಪಾಡ್ಜನೊಲು, ಗಾದೆಲು ಕಟ್ಟ್‌ದ ಕೊರ್ಪಿನವು ನಮ್ಮ ಇತಿಹಾಸ ಪನ್ದ್ ಪನ್ಡೆರ್.
ತುಳುನಾಡ್‌ದ ಉಲ್ಲೇಖ ನಮ್ಮ ಪಾಡ್ದನೊಲೆರ್ದ್ ಬತ್ತ್‌ದ್ ಶಾಸನೊಲೆಡ್ಲಾ ತುಳು ರಾಜ್ಯೊದ ಉಲ್ಲೇಖ ಉಂಡು. ಪಂಜುರ್ಲಿ ಪಾಡ್ದನೊಡು ತುಳುರಾಜ್ಯ ಹರಿವಾಣೊದಾತ್ ಉರುಂಟು, ಪಣವುದಾತ್ ಪೊರ್ಲು ತೋಜುಂಡು ಪನ್ದ್ ಪನ್ತೆರ್. ಆಳೂಪೆರೆನ ಶಾಸನ, ವಿಜಯನಗರ ಶಾಸನೊಲೆಡ್ಲಾ ತುಳುರಾಜ್ಯದ ಉಲ್ಲೇಖ ಉಂಡು. ಪ್ರಾಕೃತಿಕವಾದ್‌ಲಾ ತುಳುರಾಜ್ಯ ಗಟ್ಟದ ಮಿತ್ತನಾಡ್‌ರ್ದ್ ತೂನಗ ಬೇತೆನೇ ತೋಜುಂಡು ಪನ್ದ್ ಪೂಜಾರ್ಲು ಪನ್ಡೆರ್.
ಅಂಚೆನೇ ತುಳುನಾಡ್‌ದ ಜನಪದೆರೆ ಬಗೆಟ್ ಡಾ ತುಕಾರಾಮ್ ಪೂಜಾರ್ಲು ಪಾಕ ಪಾತೆರ್ದಿನೆನ್ ತಿರ್ತ್ ಕೊರ್ತಿನ ಲಿಂಕ್‌ಡ್ ತೂವೊಲಿ.