Last updated on April 16th, 2025 at 03:44 pm
ಶಟರ್‌ಬಾಕ್ಸ್ ಫಿಲ್ಮ್ಸ್ ಪನ್ಪಿ ಪುದರ್ಡ್ ತುಳುನಾಡ್‌ದ ಜನಕ್ಲೆನ ಉಡಲ್ ಗೆಂದ್‌ದಿನ ಪುಗಾರ್ತೆದ ವ್ಲೊಗರ್ ಸಚಿನ್ ಶೆಟ್ಟಿ,ತುಳುನಾಡ್ ಕಾನ್‌ಕ್ಲೇವ್‌ ಲೇಸ್‌ಡ್ ಪಾತೆರೊಂದು, ಈ ಲೇಸ್ ಸುರುತ್ತ ಸಲ ಆವೊಂದುಂಡು ಇಂಚಿನ ಲೇಸ್ ಒಡಿಪುಡು ಸುರು ಆಪುನು, ಒಡಿಪುಡು ತುಳುತ ಬಗ್ಗೆ ನಡಪುನ ಲೇಸ್‌ಲು ಬಾರಿ ಕಮ್ಮಿ, ಒಡಿಪುಡು ತುಳುಕ್ಕಾದ್ ನನಲಾತ್ ಜನ ಸೇರೊಡು ಪಂದ್ ಪಂಡೆರ್. “ಮೊರಾನಿ ಮೊರಾನಿ ಒಡಿಪುಡು ಪುದರ್ ಪಲವೆಲೆಗ್ ಮಜ್ಜಿ ಪೋಜರೆ ಬರ್ಪ ಪಂದಿತ್ತೆರ್, ಎಂಕುಲು ಅಲ್ಪ ತಡೆಪರೆ ಪಂದ್ ಪೋಯ, ಆಂಡ ಅಲ್ಪ ಏರ್ಲಾ ಬತ್ತಿಜ್ಜಾಂಡ್. ಪದಿಮೂಜಿ ಜನ ಸೇರ್ದ್ ಬೃಹತ್ ಬೈಕ್ ರ್‍ಯಾಲಿ ಮಲ್ತಿತ್ತೆರ್” ಪಂದ್ ತೆಲಿಕೆಡ್ ಪಂಡೆರ್.
ಕುಡ್ಲಡ್ ಬಸ್‌ಲೆಡ್ ಕನ್ನಡ ಇತ್ತ್ಂಡಲಾ, ಇಂಗ್ಲಿಷ್ ಲಿಪಿಟ್ ಇಪ್ಪುನ ಪುದರ್ಲೆಗ್ ಕಿರಿಕಿರಿ ಮಲ್ಪುವೆರ್. ತುಳುನಾಡ್ ತುಳುವೆರ್ ಮಾತಾ ಬಾಸೆಗ್ ಮರಿಯಾದಿ ಕೊರ್ಪೆರ್, ಅವ್ವೆ ಪಿದಾಯಿಡ್ ಕನ್ನಡ ಪಾತೆರಿಜಿಡ ಪೆಟ್ ಪಾಡುವೆರ್ ಪಂದ್ ಸಚಿನ್ ಶೆಟ್ಟಿ ಪಂಡೆರ್. ಹಿಂದೂ, ಮುಸ್ಲಿಂ, ಕ್ರಿಸ್ಟಿಯನ್ ಪಿದಯಿಡ್ ತಿಕ್ನಗ ಪಾತೆರುನು ತುಳು, ಪಿದಯಿ ಊರುಲೆಡ್ ತುಳುತ ಬಗೆಟ್ ಲೇಸ್‌ಲು ದಿಂಜ ನಡತೊಂದುಲ್ಲ, ತುಳುನಾಡ್‌ರ್ದ್ಲಾ ಎಚ್ಚ ಲೇಸ್ ಅಲ್ಪ ನಡಪುಂಡು ಪನ್ಪುನೆನ್ ಪಂಡೆರ್. ರಡ್ಡ್ ಸಾರತ್ತ ಪದಿಮೂಜೆರ್ದ್ ತುಳುಟ್ಟೆ ವಿಡಿಯೋ ಮಲ್ದೆ ನನಲ ಅವೆಟ್ಟೆ ಮಲ್ಪುವೆ ವೀವ್ಸ್ ಕಮ್ಮಿ ಆವಡ್ ಜಾಸ್ತಿ ಆವಡ್, ನಿಕ್ಲೆನ್ ತುಳುಟ್ ಪಾತೆರ್ದ್ ತೆಲ್ಪಾದೆ, ತುಳುಕ್ಕ್ ಏರ್ಲಾ ಅಡ್ಡ ಕಾರ್ ದೀಯೆರ್ಡ ಬುಲ್ಪಾಯೆರೆಲಾ ಗೊತ್ತುಂಡು ಪಂದ್ ಅರೆನ ಪಾತೆರೊಗು ಮುಗಿತಲದ ಬೊಟ್ಟು ದೀಯೆರ್.