Last updated on April 20th, 2025 at 11:31 am
ಬೊಲ್ತೇರ್, ಎ. 19: ಉಜಿರೆಡ್ ನಡತೊಂದುಪ್ಪುನ ರಾಮಮೋತ್ಸವ ಕಾರ್ಯಕ್ರಮೊಗು ಬತ್ತಿನ ಪುನೀತ್ ಕೆರೆಹಳ್ಳಿ ಬೊಕ್ಕ ಆರೆನ ಪಾಸಾಡಿಲೆನ್ ಬೊಲ್ತೇರ್ ಪೊಲೀಸೆರ್ ಪಿರ ಕಡಪುಡ್ದೆರ್.
ಸೌಜನ್ಯ ಪರ ಪೊರ್ಮ್ಬಾಟಗಾರೆ ಮಹೇಶ್ ಶೆಟ್ಟಿ ತಿಮರೋಡಿ ಯೆರೆನ ಜನೊಕುಲು ಬೊಕ್ಕ ಪುನೀತ್ ಕೆರೆಹಳ್ಳಿನ ಜನೊಕ್ಲೆನ ನಡುಟು ಸಾಮಾಜಿಕ ಬಲೆತ್ತಾನೊಡು ಪಾತೆರೊಗು ಪಾತೆರ ಬುಲೆದಿತ್ತ್ಂಡ್. ಪುನೀತ್ ಕೆರೆಹಳ್ಳಿ ಉಜಿರೆಗ್ ಬತ್ತ್ಂಡ ಕೊಲಲ ಆಪಿನ ಸಾಧ್ಯತೆ ಇತ್ತ್‌ದ್, ಅವೆನ್ ಗೆನ್ತ್‌ದ್ ಬೊಲ್ತೇರ್ ಪೊಲೀಸೆರ್ ಪುನೀತ್ ಕೆರೆಹಳ್ಳಿಗ್ ಉಜಿರೆಗ್ ಬರಂದಿಲೆಕ ನಿಷೇಧ ಪಾಡ್ದೆರ್. ಈ ಬಗೆಟ್ ಜಿಲ್ಲಾಧಿಕಾರಿಲು ಅದೇಶ ಪಿದಾಡ್ಪುದೆರ್. ಕೋಡೆ ಉಜಿರೆದ ಕೃಷ್ಣಾನುಗ್ರಹದ ಸಭಾಭವನೊಡು ಬಯ್ಯಡ್ ವಿಶ್ವ ಹಿಂದೂ ಪರಿಷತ್ ಅಟ್ಟನೆ ಮಲ್ದಿನ ಕಾರ್ಯಕ್ರಮೊಡು ಮಲ್ಲಬಿನ್ನೆರಾದ್ ಸೂಲಿಬೆಲೆ ಭಾಷಣ ಮಲ್ಪೆರಗಿತ್ತ್‌ದ್, ಈ ಕಾರ್ಯಕ್ರಮ ತೂಯೆರ ಪುನೀತ್ ಕೆರೆಹಳ್ಳಿ ಬರೊಂದಿತ್ತಿನ ಪೊರ್ತುಡು ಬೊಲ್ತೇರ್ ಪೊಲೀಸೆರ್ ಉಜಿರೆದ ಕಾಲೇಜ್ ರೋಡ್‌ಡ್ ಅಡ್ಡಕಟ್ಟ್‌ದ್ ಜಿಲ್ಲೆಗ್ ಬರಂದಿಲೆಕ ನಿಷೇಧ ಮಲ್ತಿನ ಡಿಸಿ ಆದೇಶ ತೋಜಾದ್ ಪಿರ ಕಡಪುಡ್ದೆರ್.
ಈ ಪೊರ್ತುಡು ರಡ್ಡ್ ಕಡೆತಕುಲೆನ ನಡುಟು ಪಾತೆರೊಗು ಪಾತೆರ ಬುಲೆದ್ಂಡ್. ಪೋಲೀಬೆರ್ ಉಂತುದು ಅವೆನ್ ಅಂಕೆಗ್ ಕನತ್‌ದೆರ್.