ಕೋಟ್ಯಾನ್ ಮೂಲಸ್ಥಾನ, ಕಕ್ವ ಕೊಲಕಾಡಿ ಬರ್ಕೆಡ್ ದೈವೊಲೆನ ಪುನರ್ ಪ್ರತಿಷ್ಠೆ ಬೊಕ್ಕ ಧರ್ಮನೇಮ

Last updated on April 21st, 2025 at 10:27 am

ಮುಲ್ಕಿ ತಾಲೂಕುದ ಅತಿಕಾರಿಬೆಟ್ಟು ಗ್ರಾಮದ ಇತಿಹಾಸ ಪ್ರಸಿದ್ದ 9 ಮಾಗನೆ ಕಕ್ವ ಕೊಲಕಾಡಿ ಬರ್ಕೆ ಕೋಟ್ಯಾನ್ ಮೂಲಸ್ಥಾನೊಡ ಪೊಸದಾದ್ ನಿರ್ಮುತಿನ ಬರ್ಕೆದ ಧರ್ಮಚಾವಡಿ ಅಂಚೆನೆ ಧರ್ಮ ದೈವೊಲೆನ ಪುನರ್ ಪ್ರತಿಷ್ಠೆ ಬೊಕ್ಕ ನೇಮೋಚ್ಚಯ ನಡಪರೆ ಉಂಡು.

ತಾರೀಕ್ 29-ಎಪ್ರೀಲ್ 2025ಕ್ಕ್ ಕಾಂಡೆ 7ರ್ದ್ ಮೂಲದ ನಾಗಗ್ ತನು ತಂಬಿಲ, ಹೋಮ, ಅಂಚೆನೆ ಬಯ್ಯ 3-30ಗ್ ಬಪ್ಪನಾಡ್ ಅಪ್ಪೆನ ನಡೆರ್ದ್ ಪುದೆಕಾಣಿಗೆದ ಮೆರವಣಿಗೆ ನಡಪರೆ ಉಂಡು.

ತಾರೀಕ್ 30-ಎಪ್ರೀಲ್-2025ಕ್ಕ್ ಬಯ್ಯ 4 ಗಂಟೆರ್ದ್ ಶಿಲ್ಪಿಲೆರ್ದ್ ಧರ್ಮಚಾವಡಿ ಬುಡ್ದ್ ಕೊರ್ಪಿನ ಕಜ್ಜೊ, ಜಾಗೆ ಸುದ್ದೊ, ಬಿಂಬಸುದ್ದೊ, ಕಲಸಾದಿವಾಸ ಪೂಜೆ ನಡಪರೆ ಉಂಡು.

ತಾರೀಕ್ 1 ಮೇ 2025ಕ್ಕ್ ಕಾಂಡೆ 5ರ್ದ್ ಮುಡಿಪು ಕಟ್ಟರೆ, ಚಾವಡಿ ಪೊಗ್ಗರೆ, ಮೈಸಂದಾಯೆ, ಪೊಸಪ್ಪೆ, ಸಾರಾಲ ಜುಮಾದಿ ಬಂಟೆ, ಜಾರಂದಾಯೆ ಬಂಟೆ, ಮರ್ಲ್ ಜುಮಾದಿ ಬಂಟೆ, ಅಣ್ಣಪ್ಪ ಪಂಜುರ್ಲಿ, ಕಾಂತಬಾರೆ ಬೂದಬಾರೆ, ಕುಪ್ಪೆಟ್ಟು ಪಂಜುರ್ಲಿ, ಕಲ್ಲುರ್ಟಿ, ಪೆರಿಯಜ್ಜೆ, ಮಂತ್ರಜಾವದೆ, ಕುಟುಮದ ವರ್ತೆ ಪಂಜುರ್ಲಿ, ಜಾಗೆದ ಪಂಜುರ್ಲಿ, ಗುಳಿಗೆ, ಚೌಂಡಿ ಗುಳಿಗೆ, ರಾವು ದೈವೊಲೆನ ಪುನರ್ ಪ್ರತಿಷ್ಠೆ ಅಂಚೆನೆ ಕಲಶಾಭಿಷೇಕ ನಡಪುಂಡು. ಕಾಂಡೆ 11-30ಗು ದೈವ ದರ್ಶನ ನಡಪುಂಡು.
ಮದ್ಯಾಹ್ನ ಅನ್ನದಾನ ಸೇವೆ ಬಯ್ಯ 3ರ್ದ್ ನಲಿಕೆ ಭಜನೆ, ಅಂಚೆನೆ ಬಯ್ಯ 5ರ್ದ್ ಬಪ್ಪನಾಡ್ ಮೇಳದ ಬಪ್ಪನಾಡ್ ಕ್ಷೇತ್ರ ಮಹಾತ್ಮೆ ಪನ್ಪಿನ ಆಟ ನಡಪುಂಡು.

ತಾರೀಕ್ 2- ಮೇ 2025ಕ್ಕ್ ಕಾಂಡೆ 10ರ್ದ್ ಲೆಕ್ಕೇಸಿರಿ ಬೊಕ್ಕ ಮೂಲ ಮೈಸಂದಾಯ ದೈವೊದ ನೇಮ.
ಬಯ್ಯ 4 ಗಂಟೆರ್ದ್ ಪೊಸಪ್ಪೆ, ಜಾರಂದಾಯೆ ಬಂಟೆ, ಸೀರಾಲ ಜುಮಾದಿ ಬಂಟೆ, ಮರ್ಲ್ ಜುಮಾದಿ ಬಂಟೆ, ಅಣ್ಣಪ್ಪ ಪಂಜುರ್ಲಿ ದೈವದ ನೇಮ ನಡಪುಂಡು.

ತಾರೀಕ್ 3-ಮೇ 2025ಕ್ಕ್ ಬಯ್ಯ 4 ಗಂಟೆರ್ದ್ ಪೆರಿಯಜ್ಜೆ, ಮಂತ್ರ ಜಾವದೆ, ಕಲ್ಲುರ್ಟಿ, ಕುಪ್ಪೆಟ್ಟು ಪಂಜುರ್ಲಿ, ಕುಟುಮದ ವರ್ತೆ ಪಂಜುರ್ಲಿ, ಚೌಂಡಿ ಗುಳಿಗೆ ಅಂಚೆನೆ ಜಾಗೆದ ಗುಲಿಗೆ ಪಂಜುರ್ಲಿ ದೈವೊದ ನೇಮ ನಡಪರೆ ಉಂಡು.