Last updated on April 24th, 2025 at 09:06 am
ಬೆಂಗಳೂರು, ಏ.23: ಜಮ್ಮು-ಕಾಶ್ಮೀರೊದ ಪಹಲ್ಗಾಮ್ಡ್ ನಡತಿನ ಭಯೋತ್ಪಾದಕ ದಾಳಿಡ್ ತೀರ್ದಿನ ಕರ್ನಾಟಕ ರಾಜ್ಯೊದ ಪ್ರತಿ ನಾಗರಿಕೆರೆ ಇಲ್ಲದಕ್ಲೆಗ್ 10 ಲಕ್ಷ ರೂ. ಪರಿಹಾರ ಕೊರ್ಪ ಪನ್ದ್ ರಾಜ್ಯ ಸರ್ಕಾರ ಘೋಷಣೆ ಮಲ್ದ್ಂಡ್.
ಅಂಗಾರೆ ಜಮ್ಮು ಬೊಕ್ಕ ಕಾಶ್ಮೀರೊದ ಪಹಲ್ಗಾಮ್ಡ್ ನಡತಿನ ಭಯೋತ್ಪಾದಕೆರೆ ದಾಳಿಡ್ 26 ಪ್ರವಾಸಿಗೆರ್ ತೀರ್ದಿತ್ತ್ದ್, ಪಾಕ ಜನೊಕು ಗಡಿಕೂಲಾದಿತ್ತ. ದಾಳಿಡ್ ಕರ್ನಾಟಕೊದಕುಲ್ಲಾ ತೀರ್ದಿತ್ತ್ದ್, ಅಕ್ಲೆನ ಪಾರ್ಥೀವ ಶರೀರೊನು ರಾಜ್ಯೊಗು ಕನಯೆರ ಮಾತಾ ಅಟ್ಟನೆಲು ಆತ.
ಪಾರ್ಥೀವ ಶರೀರ ರಾಜ್ಯೊಗು ಎತ್ತಿಲೆಕನೆ ಅಂತ್ಯಸಂಸ್ಕಾರೊಗು ಮಾತಾ ವ್ಯವಸ್ಥೆ ಮಲ್ತೊಂದುಲ್ಲೆರ್. ಒಟ್ಟುಗು ಬದ್ಕ್ದ್ ಒರಿನಕ್ಲೆನ ರಕ್ಷಣೆಗ್ ರಾಜ್ಯ ಸರ್ಕಾರ ಕ್ರಮ ಗೆತೊಂದುಂಡು.