Last updated on April 30th, 2025 at 06:49 am
ಕುಡ್ಲ: ಕುಡ್ಲದ ಪ್ರೈವೇಟ್ ಆಸ್ಪತ್ರೆದ ಡಾಕ್ಟರ್ ಒರ್ತಿ ಸಾಮಾಜಿಕ ಬಲೆತ್ತಾನೊಡು ದೇಶ ವಿರೋಧಿ ಪೋಸ್ಟ್ ಪಟ್ಟೊಂದಿತ್ತ್‌ದ್, ಭಾರೀ ಆಕ್ರೋಶಗ್ ನೆವನ ಆತ್ಂಡ್.
ಕುಡ್ಲದ ಡಾಕ್ಟರ್ ಅಫೀಫ ಫಾತಿಮಾ ಪನ್ಪಿನಾಲ್ ಸಾಮಾಜಿಕ ಬಲೆತ್ತಾನೊಡು ದೇಶ ವಿರೋಧಿ ಪೋಸ್ಟ್ ಪಟ್ಟೊಂದಲ್. ಅಂಚಾದ್ ಆಲೆನ ಮಿತ್ತ್ ಪಾಂಡೇಶ್ವರ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದಿತ್ತ್‌ದ್, ಎಫ್ಐಆರ್ ದಾಕಲಾತ್ಂಡ್
ಪೋಸ್ಟ್‌‌ಡ್ ದಾದ ಉಂಡು?:
ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಡಾಕ್ಟರ್ ಆದುಪ್ಪುನ ಅಫೀಫ ಫಾತಿಮಾ ‘HELP, STINKY HINDUS BEHIND ME’ (ಎನನ್ ಕಾಪುಲೆ, ಕುರ್ತೆಲ್ ಹಿಂದೂಲು ಎನ್ನ ಬೆರಿ ಪತ್ತ್‌ದೆರ್) “AM I INDIAN-YES, DO I HATE INDIA – YES,” ( ಅಂದ್ ಯಾನ್ ಭಾರತೀಯೆದಿ, ಅಂದ್ ಎಂಕ್ ಭಾರತೊದ ಮಿತ್ತ್ ಪಗೆ ಉಂಡು) ಪನ್ಪಿನ ಪೋಸ್ಟ್ ಪಟ್ಟೊಂದಲ್.
ಈ ಪೋಸ್ಟ್ ಭಾರೀ ಆಕ್ರೋಶಗ್ ನೆವನ ಆದಿತ್ತ್‌ದ್, ಪಹಲ್ಗಾಮ್ ದಾಳಿರ್ದ್ ಬೊಕ್ಕ ನಡತೊಂದುಪ್ಪುನ ನಡಕೆಲೆನ ಬೆರಿಟೇ ಈ ಪೋಸ್ಟ್ ಪಾಡ್ದಿತ್ತ್‌ದ್, ಹಿಂದೂ ಸಂಘಟನೆಲೆನ ಪಿಸ್‌ರ್‌ಗ್ ನೆವನ ಆತ್ಂಡ್.
ಎಫ್ಐಆರ್ ದಾಕಲ್:
ವಿವಾದಾತ್ಮಕ ಪೋಸ್ಟ್‌ದ ಬೆರಿಟೆ ಆಸ್ಪತ್ರೆದ ಆಡಳಿತ ಮಂಡಳಿ ಅಫೀಫಾ ಮೆರೆನ್ ಬೇಲೆರ್ದ್ ದೆತ್ತ್‌ದ್ಂಡ್. ಅತ್ತಂದೆ ಆಸ್ಪತ್ರೆದ HR ಆಲೆನ ಮಿತ್ತ್ ಪಾಂಡೇಶ್ವರ ಸ್ಟೇಶನ್‌ಡ್ ಒಯಿಲ್ ಬರೆಪಾದಿತ್ತ್‌ದ್, ಪೊಲೀಸೆರ್ ಎಫ್ಐಆರ್ ದಾಕಲ್ತ್‌ದೆರ್.