Last updated on April 30th, 2025 at 12:47 pm
ಪುತ್ತೂರು, ಎ. 30: ರಬ್ಬರ್ ಟ್ಯಾಪಿಂಗ್‌ಗ್ ಪೋದಿತ್ತಿನ ಪೊರ್ತುಡು ಕಾಡಾನೆ ದಾಳಿ ಮಲ್ತ್‌ದ್ ಪೊಂಜೊವು ಒರ್ತಿನ್ ಬಲಿ ಗೆತೊಂದಿನ ನಡಕೆ ಕೊಳ್ತಿಗೆ ಗ್ರಾಮೊದ ಕಣಿಯಾರ್ ಮಲೆ ಅರ್ತಿಯಡ್ಕ ಸಿಆರ್‌ಸಿ ಕಾಲನಿದ ಕೈತಲ್ ನಡತ್‌ದ್ಂಡ್.
ಪೆರ್ಲಂಪಾಡಿ ಮುಟ್ಟದ ಅರ್ತಿಯಡ್ಕದ ಪೊಂಜೊವು ತೀರ್ದಿನಾರ್. ಅಂಗಾರೆ ಕಾಂಡೆ ಪೊಂಜೊವು ಸೇರ್ದ್ ಮೂವೆರ್ ರಬ್ಬರ್ ಟ್ಯಾಪಿಂಗ್‌ಗ್ ಪೋದಿತ್ತೆರ್. ಈ ಪೊರ್ತುಡು ಕಣಿಯಾರ್ ಮಲೆ ಪನ್ಪಿನಲ್ಪ ಆರೆನ್ ಆನೆ ಗಿಡತೊಂದು ಬೈದ್ಂಡ್. ಈ ಪೊರ್ತುಡು ಒರಿನ ಇರ್ವೆರ್ ಬಲ್ತ್‌ದ್ ತಪ್ಪಾವೊಂದೆರ್. ಪೊಂಜವು ಬಲಿಪುನ ಪೊರ್ತುಡು ಬೂರ್ದೆರ್. ಅಪಗ ಆನೆ ಆರೆನ ಮೋನೆ ಬೊಕ್ಕ ಬಂಜಿಗ್ ತೊದ್ದ್‌ದ್ಂಡ್. ಅಂಚಾದ್ ಆರ್ ಅಲ್ಪನೇ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಜಾಗೆಗ್ ಪುತ್ತೂರು ಗ್ರಾಮಾಂತರ ಪೊಲೀಸೆರ್ ಬೊಕ್ಕ ಅರಣ್ಯ ಇಲಾಖೆದ ಅಧಿಕಾರಿಲು ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.