Last updated on May 4th, 2025 at 12:04 pm
ಪುಣೆ, ಮೇ 04: ದೂರೊದ ಮಹಾರಾಷ್ಟ್ರೊದ ಪುಣೆಡ್ ಬೆನೊಂದಿತ್ತ್‌ಂಡಲಾ, ಊರುಡು ತುಳುಕಾದ್ ಬೆನೊಂದಿತ್ತಿನ ತುಳುವೆರೆಗ್‌ ಪಣವುದ ಸಾಕಾರ ಮಲ್ತೊಂದು, ಅಂಚ ಮಲ್ಪೊಲಿ ಇಂಚ ಮಲ್ಪೊಲಿ ಪನ್ದ್ ಸಾದಿ ತೋಜಾವೊಂದು, ತುಳುರಾಜ್ಯ, ತುಳುಬಾಸೆದ ಒರಿಪುಗು ನಿಸ್ವಾರ್ಥ ಚಾಕಿರಿ ಮಲ್ತೊಂದಿತ್ತಿನ ಜವನೆ ವೇಣೂರ್‌ದ ದಿವಾಕರ್ ಪೂಜಾರಿ ತುಳುನಾಡ್ ಇನಿ ಹಾರ್ಟ್ ಅಟ್ಯಾಕ್‌ ಆದ್ ತೀರ್ಯೆರ್.
37 ವರ್ಸ ಪ್ರಾಯೊದ ದಿವಾಕರ್ ಕರಿನ 15-20 ವರ್ಸೊರ್ದಿಂಚಿ ಪುಣೆಡ್ ಬೇಲೆ ಮಲ್ತೊಂದಿತ್ತ್‌ದ್, ಒಂಜಿ ಬಾರ್ ಆಂಡ್ ರೆಸ್ಟೋರೆಂಟ್‌ದ ಮ್ಯಾನೇಜರ್‌ಲಾ ಆದಿತ್ತೆರ್. ಬಿನ್ನೆರೆ ಮದಿಮೆಗ್ ಪನ್ದ್ ಊರ್‌ಗ್ ಬತ್ತಿತ್ತಿನ ದಿವಾಕರ್ ಕರಿನ 3 ದಿನೊರ್ದಿಂಚಿ ಉಸಾರ್ ತತ್ತ್‌ದ್ ಆಸ್ಪತ್ರೆಡ್‌ ಇತ್ತೆರ್. ಇನಿ ಕಾಂಡೆ 5:30 ಕ್ಕ್ ಹಾರ್ಟ್ ಅಟ್ಯಾಕ್‌ಡ್‌ ತೀರ್ದೆರ್.
ಅತ್ತಂದಿ ಕಾಲೊಡು ನಮನ್ ಅಗತಿನ, ತುಳುಕಾದ್ ಪೊರ್ಮ್ಬೊನ್ದಿತ್ತಿನ ಜೂವೊಗು ಶಾಂತಿ ತಿಕ್ಕಡ್ ಪನ್ದ್ ತುಳು ಸಮಾಚಾರ ಅಂಚೆನೇ ಮಾತ ತುಳುವೆರೆನ ಪರವಾದ್ ನಟ್ಟೊನುವ.