Last updated on May 5th, 2025 at 12:05 pm
ಕುಡ್ಲ, ಮೇ. 04 : ಕುಡ್ಲದ ಉದಯೋನ್ಮುಖ ಅಥ್ಲೀಟ್ ನಿಹಾಲ್ ಕಮಲ್ ಗ್, ಮೇ 4 ಕ್ ಐತಾರದಾನಿ ಬಿಹಾರೊಡು ಸುರು ಆಯಿನ ಖೇಲೋ ಇಂಡಿಯಾ ಯೂತ್ ಗೇಮ್ಸ್ (KIYG) 2025 ಟ್ ಭಾರತೊನು ಪ್ರತಿನಿಧಿಪೆರ ಪುಗರ್ತೆದ ನಾಮನಿರ್ದೇಶನ ತಿಕ್ಕ್ದ್ಂಡ್, ಉಂದು ಮೇ 15 ಮುಟ್ಟ ನಡಪುಂಡು. ರಾಷ್ಟ್ರೀಯ ಕ್ರೀಡಾಕೂಟೊರ್ದು ಬೊಕ್ಕ ದೇಶೊದ ರಡ್ಡನೇ ಮಾಮಲ್ಲ ಗೊಬ್ಬುದ ಕಲ ಪನ್ದ್ ಪನ್ಪಾವುನ KIYG, ಮಾತಾ ವಿಭಾಗೊಲೆಡ್ ಎಡ್ಡೇನ ಯುವ ಪ್ರತಿಭೆಲೆಗ್ ರಾಷ್ಟ್ರೀಯ ಮಿತ್ತರ್ಮೆ ಕೊರ್ಪುಂಡು.
ದೆಲ್ಲಿದ ರಾಷ್ಟ್ರೀಯ ಕ್ರೀಡಾ ಒಕ್ಕೂಟ ನಿಹಾಲ್ ಕಮಲ್ನ್ 100 ಮೀಟರ್ ಅಥ್ಲೆಟಿಕ್ಸ್ ಪಂತೊಡು ಪಾಲ್ ಪಡೆಯೆರ ಭಾರತೊಡೊರ್ಮೆ ಟಾಪ್ 16 ಕ್ರೀಡಾಪಟುಲೆಡ್ ಒರಿ ಆದ್ ಅಜತ್ದ್ಂಡ್.
ಕುಡ್ರದ ಫರ್ನ್ಹಿಲ್ದ ಖಾಯಂ ನಿವಾಸಿ ಆದುಪ್ಪುನ ನಿಹಾಲ್ ಇತ್ತೆ ಕುವೈತ್ದ ದೆಲ್ಲಿ ಪಬ್ಲಿಕ್ ಸ್ಕೂಲ್ಡ್ ಕಲ್ತೊಂದುಲ್ಲೆರ್. ಇಂಚಿಪ ನಡತಿನ 27 ನೇ ಸಿಬಿಎಸ್ಇ ಕುವೈತ್ ಕ್ಲಸ್ಟರ್ ಅಥ್ಲೆಟಿಕ್ಸ್ ಮೀಟ್ಡ್, 100 ಮೀಟರ್ U17 ಆಣುಲ್ನ ವಿಭಾಗೊಡು 21 ವರ್ಸ ಪರತ್ ದಾಖಲೆನ್ ಪೊಲ್ತ್ದೆರ್, 100 ಮೀ ಬೊಕ್ಕ 200 ಮೀ ರಡ್ಡ್ ಪಂತೊಲೆಡ್ಲಾ ಪೊಸ ರೆಕಾರ್ಡ್ ಮಲ್ದೆರ್.