Last updated on May 8th, 2025 at 11:20 am
ಕಡಬ, ಮೇ. 08 : ಮೇ 6 ತಾನಿ ಬಿಳಿನೆಲೆ ಗ್ರಾಮೊದ ಸುಬ್ರಹ್ಮಣ್ಯ-ಗುಂಡ್ಯ ರಾಜ್ಯ ಪೆರ್ಸಾದಿಡ್ ಕೈಕಂಬ-ಗೋಪಾಲಿ ಕೈತಲ್ ಇನ್ನೋವಾ ಕಾರ್ ಸ್ವಿಫ್ಟ್ ಕಾರ್‌ಗ್ ಎಡ್ತಿನೆರ್ದಾವರ ಒರಿ ತೀರ್ದ್, ಇರ್ವೆರೆಗ್ ಗಡಿಕುಲಾತಿನ ನಡಕೆ ನಡತ್‌ದ್ಂಡ್.
ತೀರ್ದಿನಾರೆನ್ ಬೆಂಗಳೂರ್‌ದ ರಾಮನಗರದ 73 ವರ್ಸೊದ ಯಲ್ಲಿಗಯ್ಯ ಪನ್ದ್ ಗುರ್ತ ಪತ್ತ್‌ದೆರ್. ಕಾರ್ ಬುಡೊಂದಿತ್ತಿನ ಆರೆನ ಮಗೆ ನವೀನ್ (29) ಬೊಕ್ಕ ನವೀನ್‌ನ ಅಪ್ಪೆ ದೈಯಮ್ಮಗ್ (52) ಎಡ್ತೆಡ್ ಗಡಿಕುಲಾತ.
ಬಯ್ಯಡ್ ಸುಬ್ರಹ್ಮಣ್ಯರ್ದ್ ಬರೊಂದಿತ್ತಿನ ಇನ್ನೋವಾ ಕಾರ್ ಸ್ವಿಫ್ಟ್ ಕಾರ್‌ಗ್ ಎಡ್ತಿನೆರ್ದಾವರ ಸ್ವಿಫ್ಟ್ ಕಾರ್ ಕಬ್ಬೆ ಬೂರ್ದ್ಂಡ್. ಸ್ವಿಫ್ಟ್ ಕಾರ್‌ಡ್ ಇತ್ತಿನಕುಲು ಕುಕ್ಕೆ ಸುಬ್ರಹ್ಮಣ್ಯ ದೆಲಂತಡೆಗ್ ಪಿರ ಇಲ್ವಗ್ ಪೋವೊಂದಿತ್ತೆರ್.
ಪೆಟ್ಟಾತಿನಕುಲೆನ್ ಆಂಬ್ಯುಲೆನ್ಸ್‌ಡ್ ಕಡಬ ಆಸ್ಪತ್ರೆಗ್ ಲೆತೊಂದು ಪೋತೆರ್ ಬೊಕ್ಕ ಎಚ್ಚಿನ ಮರ್ದ್‌ಗ್ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್. ಗಾತಿದ ಪೆಟ್ಟಾದಿತ್ತಿನ ಯಲ್ಲಿಗಯ್ಯ ಮರ್ದ್ ಪಲಿಪಂದೆ ತೀರ್ದೆರ್. ಕಡಬ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.