Last updated on May 10th, 2025 at 09:43 am
ಕಾರ್ಲ, ಮೇ 10: ಕಾರ್ಲ ತಾಲೂಕ್‌ದ ನಿಟ್ಟೆ ಇಂಜಿನಿಯರಿಂಗ್ ಕಾಲೇಜಿದ ಲೇಡೀಸ್ ಹಾಸ್ಟೆಲ್‌ದ ಗೋಡೆದ ಮಿತ್ತ್ ವಿದ್ಯಾರ್ಥಿನಿ/ಕೆಲ ವಿದ್ಯಾರ್ಥಿನಿಯೆರ್ ದೇಶ ವಿರೋಧಿ ಬರವುಲೆನ್ ಬರೆತೆರ್. “ಹಿಂದೂಸ್ಥಾನ್ ನಹಿ ಮುಸ್ಲಿಂಸ್ಥಾನ ಬೋಲೋ”. “ಮುಸ್ಲಿಂ ಜಿಂದಾಬಾದ್ ಹಿಂದೂ ಫಕ್ ಆಫ್” (Hindustan nahi muslim sthan bolo, Muslim zidabad Hindu fuck off) ಪನ್ದ್ ಇಂಗ್ಲಿಷ್‌ಡ್ ಗೋಡೆದ ಮಿತ್ತ್ ಬರೆತೆರ್. ಬುದಾರ ಮೇ 07 ತಾನಿ ರಾತ್ರೆ ಈ ಬರವುಲು ತೂಯೆರ ತಿಕ್ಕ್‌ದ.
ಈ ವಿಚಾರ ತೆರಿಯೊಂದಿತ್ತಿಲೆಕನೆ ಜಾಗೆಗ್ ಕಾರ್ಲ ಗ್ರಾಮಾಂತರ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್. ದೇಶ ವಿರೋಧಿ ಬರವು ಬರೆತಿನ ಪೊಣ್ಣು/ಪೊಣ್ಣುಲೆಗಾದ್ ನಾಡೊಂದುಲ್ಲೆರ್.
ಈ ಬಗೆಟ್ ಕಾಲೇಜ್ ಪ್ರಿನ್ಸಿಪಾಲ್ ಬೊಕ್ಕ ನಿರ್ದೇಶಕೆರೆನ್ ಭೇಟಿ ಆದ್ ನ್ಯಾಷನಲ್ ಸ್ಟೂಡೆಂಟ್ಸ್ ಯೂನಿಯನ್ ಆಫ್ ಇಂಡಿಯಾ (NSUI) ಬೊಕ್ಕ ಅಖಿಲ ಭಾರತ ವಿದ್ಯಾರ್ಥಿ ಪರಿಷತ್‌ದ ಪದುಕೆರ್ ಇಂಚಿನ ದೇಶ ವಿರೋಧಿ ಬರವುಲೆನ್ ಬರೆತಿನಕಲೆನ ಮಿತ್ತ್ ಬೋಡಾಪಿನ ಕ್ರಮ ಗೆತೊನರೆ ಬಿನ್ನಪು ಮಲ್ತಿತ್ತ್‌ದ್, ಪ್ರಿನ್ಸಿಪಾಲ್ ಅಂಚಿನಕಲೆನ್ ನಾಡ್‌ದ್ ಕಾಲೇಜಿರ್ದೇ ದೆಪ್ಪುನ ಪಾತೆರ ಕೊರ್ಯೆರ್.