Last updated on May 10th, 2025 at 06:35 pm
ವಿಟ್ಲ: ಇಡ್ಕಿದು ಗ್ರಾಮೊದ ಕೊಪ್ಪ ಪನ್ಪಿನಲ್ಪ ಇಲ್ಲಗ್ ಪೋಪಿನ ಸಾದಿಡ್ ಗೇಟ್‌ಗ್ ಬೀಗ ಪಾಡೊಂದುಪ್ಪುನ ಪೊರ್ತುಡು ವಿಚಾರಿಪೆರೆ ಬತ್ತಿನ ಪೊಂಜೊವುಗು ಚಡ್ಡಿ ಜಾರಾದ್ ಗುಪ್ತಾಂಗ ತೋಜಾದಿನ ನಡಕೆ ನಡತ್‌ದ್ಂಡ್.
ಆರೋಪಿನ್ ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆ ಪದ್ಮನಾಭ ಸಪಲ್ಯ ಪನ್ದ್ ಗುರ್ತ ಪತ್ತ್‌ದೆರ್.
ಪೊಂಜೊವು ತನ್ನ ತೋಟಡ್ ಬೇಲೆ ಮಲ್ತೊಂದುಪ್ಪುನ ಪೊರ್ತುಡು ತನ್ನ ಇಲ್ಲಗ್ ಬರ್ಪಿನ ಸಾದಿಡ್ ಏರಾ ಬೇಲೆ ಮಲ್ತೊಂದುಪ್ಪುನ ಶಬ್ದ ಕೇನ್ದ್ ಅಡೆ ಪೋದು ವಿಡಿಯೋ ಮಲ್ತಿತ್ತ್‌ದ್ ಅವೆನ್ ತೂಯಿನ ಪದ್ಮನಾಭೆ ತಾನ್ ಪಾಡ್ದಿತ್ತಿನ ಚಡ್ಡಿನ್ ಜಾರಾದ್ ಗುಪ್ತಾಂಗ ತೋಜಾದ್ ಅಸಭ್ಯವಾದ್ ನಡತೊಂದೆ ಪನ್ದ್ ಒಯಿಲ್‌ಡ್ ತೆರಿಪಾದೆರ್.
ಈ ಬಗೆಟ್ ವಿಟ್ಲ ಸ್ಟೇಶನ್‌ಡ್ ಭಾರತೀಯ ನ್ಯಾಯ ಸಂಹಿತೆ BNS 2023 u/s 79 ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.