Last updated on May 18th, 2025 at 05:31 pm
ಕುಡ್ಲ, ಮೇ 18: ಉಂತುದಿತ್ತಿನ ಕಾಲೇಜ್ ಬಸ್‌ಗ್ ಸಿಟಿ ಬಸ್ ಒಂಜಿ ಪಿರವುರ್ದ್ ಬತ್ತ್‌ದ್ ಎಡ್ತಿನ ನಡಕೆ ಬಲ್ಮಠಡ್ ನಡತ್‌ದ್ಂಡ್.
ಪ್ರೈವೇಟ್ ನರ್ಸಿಂಗ್ ಕಾಲೇಜಿದ ಬಸ್‌ನ್ ಸಾದಿ ಬರಿಟ್ ಉಂತಾದ್ ವಿದ್ಯಾರ್ಥಿಲು ಬಸ್ ಮಿತ್ತರೊಂದಿತ್ತೆರ್. ಈ ಪೊರ್ತುಡು ಸ್ಟೇಟ್ ಬ್ಯಾಂಕ್ ರ್ದ್ ಕೊಣಾಜೆಗ್ ಪೋವೊಂದಿತ್ತಿನ ಪ್ರೈವೇಟ್ ಸರ್ವಿಸ್ ಬಸ್ ಸೀದಾ ಪಿರವುರ್ದ್ ಬತ್ತ್‌ದ್ ಉಂತುದಿತ್ತಿನ ಕಾಲೇಜ್ ಬಸ್‌ಗ್ ಎಡ್ತ್‌ದ್ಂಡ್.
ಎಡ್ತೆದ ಬರಸ್‌ಗ್ ಕಾಲೇಜು ಬಸ್ ದುಂಬು ಪೋದು ಪಿರವುಡು ಕುಲ್ದಿತ್ತಿನ ಐನಾಜಿ ವಿದ್ಯಾರ್ಥಿಲೆಗ್ ಬೊಕ್ಕ ಪ್ರೈವೇಟ್ ಬಸ್‌ದ ಎದುರುಡು ಕುಲ್ದಿತ್ತಿನ ಕೆಲ ಪ್ರಯಾಣಿಕೆರೆಗ್ ಗಡಿಕುಲಾತ. ಒಟ್ಟು ಪತ್ತ್ ಜನಕ್ ಕಿಞ್ಞ ಕಿಞ್ಞ ಗಡಿಕುಲಾತ ಪನ್ದ್ ಪೊಲೀಸೆರ್ ತೆರಿಪಾದೆರ್. ಕದ್ರಿ ಟ್ರಾಫಿಕ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.