Last updated on May 18th, 2025 at 07:15 pm
ಗುಂಡ್ಯ: ಇನಿ, ಮೇ 18 ದ ಬಯ್ಯಡ್ ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿಡ್ ಗುಂಡ್ಯಗ್ ಮುಟ್ಟದ ತಿರ್ಗೆಲ್ಡ್ ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಲಾರಿ ಎದುರೆದುರು ಎಡ್ತೊಂದು ಬಸ್ ಡ್ರೈವರ್ ಸೇರ್ದ್ ನಾಲ್ವೆರೆಗ್ ಗಡಿಕುಲಾತಿನ ನಡಕೆ ನಡತ್ದ್ಂಡ್. ಎಡ್ತಿನ ಬರಸ್ಗ್ ರಡ್ಡ್ ಗಾಡಿಲೆನ ಎದುರು ಮೆಯಿ ಞಕ್ಕೆ ಆತ್ಂಡ್. ರಾಷ್ಟ್ರೀಯ ಪೆರ್ಸಾದಿಡ್ ಪಾಕ ಪೊರ್ತು ಟ್ರಾಫಿಕ್ ಜಾಮ್ ಉಂಡಾದ್ ಜನೊಕುಲೆಗ್ ಬಂಙ ಆಂಡ್.
ಬೆಂಗಳೂರ್ರ್ದ್ ಕುಡುಮಗ್ ಪ್ರಯಾಣಿಕೆರೆನ್ ಲೆತೊಂದು ಬರೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್, ಗುಂಡ್ಯ ಪೇಂಟೆರ್ದ್ ಸುಮಾರ್ 100 ಮೀಟರ್ ದೂರದ ತಿರ್ಗೆಲ್ಡ್ ಎದುರುಡು ಬರಸ್ಡ್ ಬರೊಂದಿತ್ತಿನ ಲಾರಿಗ್ ಎಡ್ತ್ದ್ಂಡ್ ಪನ್ದ್ ತೂಯೀನಕುಲು ಪನ್ತೆರ್. ಎಡ್ತಿನ ಬರಸ್ಗ್ ಬಸ್ ಬೊಕ್ಕ ಲಾರಿದ ಎದುರು ಮೆಯಿ ಅಲಕ್ಕ ಞಕ್ಕೆ ಆತ್ಂಡ್.
ಈ ಎಡ್ತೆರ್ದಾವರ ಸುಮಾರ್ 5 ಕಿಲೋ ಮೀಟರ್ದಾತ್ ಉದ್ದ ಟ್ರಾಫಿಕ್ ಜಾಮ್ ಉಂಡಾತ್ಂಡ್.
ಎಡ್ತೆಡ್ ಕೆಎಸ್ಆರ್ಟಿಸಿ ಬಸ್ದ ಡ್ರೈವರ್ ಬೊಕ್ಕ ಮೂವೆರುಯ್ ಪ್ರಯಾಣಿಕೆರೆಗ್ ಗಡಿಕುಲಾದಿತ್ತ್ದ್, ಅಕಲೆನ್ ಅಪಗನೇ ನೆಲ್ಯಾಡಿದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.