Last updated on May 19th, 2025 at 06:14 am
ಪುತ್ತೂರು, ಮೇ 19: ಸಾದಿಡ್ ಉಂತಾದಿತ್ತಿನ ಶಾಮಿಯಾನ ಲಾರಿಗ್ ಬೈಕ್ ಎಡ್ತಿನೆರ್ದಾವರ ಕುಂಜುರುಪಂಜ ನಿವಾಸಿ ಸುದೀಪ್ ಚೊಕ್ಕಾಡಿ ಪನ್ಪಿನಾರ್ ತೀರ್ದಿನ ನಡಕೆ ಉರ್ಲಾಂಡಿ ಪನ್ಪಿನಲ್ಪ ಕೋಡೆ ಮೇ 18 ದ ಐತಾರ ರಾತ್ರೆ ನಡತ್ದ್ಂಡ್.
ಸುದೀಪ್ ಮೇರ್ ಐತಾರ ರಾತ್ರೆ ತನ್ನ ಬೈಕ್ಡ್ ನೇರಳಕಟ್ಟೆಡ್ ಇಪ್ಪುನ ತನ್ನ ಪಲಿನ ಇಲ್ಲಗ್ ಪೋವೊಂದಿತ್ತೆರ್. ಈ ಪೊರ್ತುಡು ಉರ್ಲಾಂಡಿ ದ ಕೈತಲ್, ಶಾಮಿಯಾನದ ಸೊತ್ತುಲು ದಿಂಜಿದಿತ್ತಿನ ಲಾರಿ ಒಂಜೆನ್ ಡ್ರೈವರ್ ಪೆರ್ಸಾದಿಡೇ ಗೋಸ್ಮರಿಡ್ ಉಂತಾದಿತ್ತೆ.
ಪನಿಪನಿ ಬರ್ಸ ಬರೊಂದಿತ್ತಿನೆರ್ದಾವರ, ಕತ್ತಲೆಡ್ ಸಾದಿಡ್ ಉಂತುದಿತ್ತಿನ ಲಾರಿ ಒರಾನೆ ತೋಜಂದೆ, ಸುದೀಪ್ರೆನ ಬೈಕ್ ಲಾರಿದ ಪಿರವು ಮೆಯಿಕ್ ಬರಸ್ಡ್ ಎಡ್ತ್ದ್ಂಡ್.
ಏಡ್ತಿನ ಪೆಟ್ಟ್ಗ್ ಸುದೀಪ್ರೆನ ತರೆಕ್ ಗಾತಿದ ಗಡಿಕುಲಾತ. ಅಪಗನೇ ಆರೆನ್ ಮುಟ್ಟದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಮರ್ದ್ ಪಲಿಪಂದೆ ಆರ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಪುತ್ತೂರು ಟ್ರಾಫಿಕ್ ಪೋಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ದೆರ್, ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.