Last updated on May 19th, 2025 at 11:27 am
ಬಂಟ್ವಾಳ ಮೇ 19: ಕೆಎಸ್ಆರ್ಟಿಸಿ ಬಸ್ ಲಾರಿನ್ ಓವರ್ಟೇಕ್ ಮಲ್ಪುನ ಪೊರ್ತುಡು ಸ್ಕೂಟರ್ ಒಂಜೆಕ್ ಎಡ್ತಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನ ಜವನೆ ತೀರ್ದಿನ ನಡಕೆ ಪಾಣೇರ್ದ ನೆಹರೂನಗರಡ್ ಮೇ 18ದ ರಾತ್ರೆ ನಡತ್ದ್ಂಡ್.
ತೀರ್ದಿನಾರೆನ್ ಕುಡ್ಲದ ಅಲಿಸ್ಟರ್ ಡಿಸೋಜ(24) ಪನ್ದ್ ಗುರ್ತ ಪತ್ತ್ದೆರ್. ಮೇರ್ ವಿಟ್ಲಡ್ ಒಂಜಿ ಇಲ್ಲೊಕ್ಕೆಲ್ಡ್ ಪಾಲ್ ಪಡೆದ್ ಕುಡೊಂಜಿ ಟೂವೀಲರ್ಡ್ ದೋಸ್ತಿನಕಲೆನೊಟ್ಟುಗು ಕುಡ್ಲಗ್ ಪೋವೊಂದುಪ್ಪುನಗ ಈ ಎಡ್ತೆ ನಡತ್ದ್ಂಡ್. ಕುಡ್ಲ ರ್ದ್ ಬೆಂಗಳೂರ್ಗ್ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಅಂಬಾರಿ ಬಸ್ ನೆಹರೂನಗರಡ್ ಟೆಂಪೊ ಟ್ರಾವೆಲರ್ನ್ ಓವರ್ಟೇಕ್ ಮಲ್ಪುನಗ ಸ್ಕೂಟರ್ಗ್ ಎಡ್ತ್ದ್ಂಡ್. ಈ ಬಗೆಟ್ ಬಂಟ್ವಾಳ ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.