Last updated on June 4th, 2025 at 11:42 am
ಬೊಲ್ತೇರ್, ಜೂ. 04 : ರಿಕ್ಷಾ ಬುಡೊಂದುಪ್ಪುನಗ ಹಾರ್ಟ್ ಅಟ್ಯಾಕ್‌ ಆದ್ ಡ್ರೈವರ್ ತೀರ್ದಿನ ನಡಕೆ ಕೋಡೆ ಕಾಂಡೆ ಕೊಕ್ಕಡಗ್ ಮುಟ್ಟದ ಕೆಂಪಕೋಡುಡ್ ನಡತ್‌ದ್ಂಡ್.
ಕೆಂಪಕೋಡು ನಿವಾಸಿ ಶರತ್ ಕುಮಾರ್ ಕೆ (36) ತೀರ್ದಿನಾರ್.
ಶರತ್ ಕುಮಾರ್ ಮೇರ್ ಏಪೊಲ್ದ ಲೆಕ ಕೋಡೆ ಕಾಂಡೆಲಾ ತನ್ನ ರಿಕ್ಷಾಡ್ ಶಾಲೆ ಜೋಕುಲೆನ್ ಶಾಲೆಗ್ ಬುಡ್ದು ಪಿರ ಬರೊಂದಿತ್ತೆರ್. ಆ ಪೊರ್ತುಡು ಆರೆಗ್ ಹಾರ್ಟ್ ಅಟ್ಯಾಕ್‌ ಆದಿತ್ತ್‌ದ್, ರಿಕ್ಷಾ ಬುಡೊಂದುಪ್ಪುನಗನೇ ತೀರ್ದೆರ್.
ಅವೆನ್ ತೂಯಿನ ಅಲ್ಪದಕುಲು ಶರತ್‌ನ್ ಕೊಕ್ಕಡ ಪ್ರಾಥಮಿಕ ಆರೋಗ್ಯ ಕೇಂದ್ರೊಗು ಲೆತೊಂದು ಪೋತೆರ್. ಆಂಡ, ಆರ್ ದುಂಬೇ ತೀರ್ದೆರ್ ಪನ್ದ್ ಬೈದ್ಯೆರ್ ತೆರಿಪಾದೆರ್.
ಇಲ್ಲದ ಕುಂದ ಆದಿತ್ತಿನ ಶರತ್ ಕುಮಾರ್ ಮೇರ್ ಅಮ್ಮೆರ್ ರಘುರಾಮ ಮಡ್ಯೆಲೆರ್, ಅಪ್ಪೆ ಬೊಕ್ಕ ಸಂಗಡಿನ್ ಅಗತ್‌ದೆರ್.