ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಗೆಂದಿನ ಪೆರಿಯ ಕಲಾವಿದೆ ಪದ್ಮನಾಭ ಶೆಟ್ಟಿಗಾರ್ ತೀರ್ಯೆರ್

Last updated on June 9th, 2025 at 09:37 am

ತೆಂಕುತಿಟ್ಟ್ ಆಟದ ಪುಗರ್ತೆದ ಹಾಸ್ಯಗಾರೆ ಸಿದ್ಧಕಟ್ಟೆ ಪದ್ಮನಾಭ ಶೆಟ್ಟಿಗಾರ್ (70) ಕೋಡೆ (8/6/2025) ತೀರ್ಯೆರ್.

ಕೊರಗದಾಸೆರೆಡ ಯಕ್ಷಗಾನ ಪಾಠ ಕಲ್ತ್‌ದ್ ಕುಂಡಾವು, ಸುಬ್ರಹ್ಮಣ್ಯ, ಕೊಲ್ಲೂರು, ಸುಂಕದಕಟ್ಟೆ, ತೊರ್ತಲ್ ಬೊಕ್ಕ ಪಾಕ ವರ್ಸ ಕಟೀಲ್ ಮೇಳೊಡು ಇಂಚ ಒಟ್ಟು ಸುಮಾರ್ ಐವ ವರ್ಸ ಯಕ್ಷಗಾನ ತಿರ್ಗಾಟ ಮಲ್ತಿತ್ತೆರ್. ಮೂಕಾಸುರೆ, ವಿಜಯೆ, ದಾರುಕೆ, ಪಾಪಣ್ಣೆ, ಬಾಹುಕೆ ಇಂಚಿನ ಪೌರಾಣಿಕ ಪಾತ್ರೊಲೆನ ಮುಕೇನ ಕಲಾರಸಿಕೆರೆನ್ ಮನೋರಂಜನೆ ಕೊರ್ತಿನಾರ್. ತುಳು, ಕನ್ನಡ ರಡ್ಡ್ ಭಾಷೆಲೆಡ್ಲಾ ಸಮರ್ಥವಾದ್ ಪಾತ್ರ ನಿರ್ವಹಣೆ ಮಲ್ಪೆದೆರ್.

ಯಕ್ಷನಿಧಿತ ಮೇಳೊದ ಪ್ರತಿನಿಧಿಯಾದ್ ಶ್ರದ್ಧೆಡ್ ಬೆನೊಂದಿತ್ತೆರ್. ಸಂಸ್ಥೆರ್ದ್ ‘ಯಕ್ಷಗಾನ ಕಲಾರಂಗ ಪ್ರಶಸ್ತಿ’ ಅತ್ತಂದೆ ಒಂಜಿ ವಾರೊಗು ದುಂಬು ಸಂಸ್ಥೆ ರೂ.50,000 ನಿಧಿತ ಒಟ್ಟುಗು ‘ಸುವರ್ಣ ಪುರಸ್ಕಾರ’ಲಾ ಕೊರ್ದಿತ್ತ್ಂಡ್. ಮೇರ್ ಬೊಡೆದಿ, ಇರ್ವೆರ್ ಆಣ್ ಜೋಕುಲು ಅಂಚೆನೇ ಪಾಕ ಅಭಿಮಾನಿಲೆನ್ ಅಗತ್‌ದೆರ್.