Last updated on June 13th, 2025 at 03:41 pm
ಬೆಂಗಳೂರು, ಜೂನ್ 13: ಧಾರವಾಡ ಜಿಲ್ಲಾ ಪಂಚಾಯತ್ ಸದಸ್ಯೆ ಯೋಗೀಶ್ ಗೌಡನ್ ಕೆರ್ತಿನ ಪ್ರಕರಣೊದ ಆರೋಪಿ ಮಾಜಿ ಸಚಿವೆ ವಿನಯ್ ಕುಲಕರ್ಣಿ ಇನಿ (ಶುಕ್ರವಾರ) ನ್ಯಾಯಂತಡೆದ ಎದುರು ಹಾಜಿರಾತೆರ್.
ಇಂಚಿಪ ಸುಪ್ರೀಂ ಕೋರ್ಟ್ ಆರೆನ ಜಾಮೀನ್‌ನ್ ಕ್ಯಾನ್ಸಲ್ ಮಲ್ತ್‌ದ್, ಒಂಜಿ ವಾರೊದುಲಯಿ ನ್ಯಾಯಂತಡೆದ ಎದುರು ಹಾಜಿರಾಯೆರ ಸೂಚನೆ ಕೊರ್ದಿತ್ತ್ಂಡ್. ಅಂಚಾದ್ ಜನಪ್ರತಿನಿಧಿಲೆನ ವಿಶೇಷ ಕೋರ್ಟ್‌ಗ್ ಹಾಜಿರಾದಿತ್ತ್‌ದ್, ಕೋರ್ಟ್ ಆರೆನ್ ಸಿಬಿಐ ವಶೊಕು ಕೊರ್ತುಂಡು.
2016 ತ ಜೂ. 15 ತಾನಿ ಧಾರವಾಡ ತಾಲೂಕ್‌ದ ಹೆಬ್ಬಳ್ಳಿ ಕ್ಷೇತ್ರೊದ ಜಿಲ್ಲಾ ಪಂಚಾಯತಿ ಸದಸ್ಯೆ ಯೋಗೀಶ ಗೌಡೆ ಪನ್ಪಿನಾರೆನ್ ಆರೆನನೇ ಜಿಮ್‌ಡ್ ಭೀಕರವಾದ್ ಕೆರ್ದಿತ್ತೆರ್. ಉಂದೆಟ್ ಮಾಜಿ ಸಚಿವೆ ಅಂಚೆನೇ ಇತ್ತೆದ ಕಾಂಗ್ರೆಸ್ ಶಾಸಕೆ ವಿನಯ ಕುಲಕರ್ಣಿ ನ ಕೈ ಉಂಡು ಪನ್ದ್ ಆರೋಪ ಮಲ್ತ್‌ದ್, ಆರೆನ್ 2020 ನವೆಂಬರ್ 5 ತಾನಿ ಸಿಬಿಐ ಕೈದ್ ಮಲ್ತಿತ್ತ್ಂಡ್. ಪ್ರಕರಣೊಗು ಸಂಬಂಧಿತ್‌ದ್ ಇಂಚಿಪ ಸುಪ್ರೀಂಕೋರ್ಟ್ ವಿನಯ್ ಕುಲಕರ್ಣಿನ ಜಾಮೀನ್ ಕ್ಯಾನ್ಸಲ್ ಮಲ್ತ್‌ದ್ ಆದೇಶ ಕೊರ್ದಿತ್ತ್ಂಡ್.