Last updated on June 15th, 2025 at 06:04 am
ತೀರ್ಥಹಳ್ಳಿ: ರಿಷಬ್ ಶೆಟ್ಟಿ ನಟನೆ ಬೊಕ್ಕ ನಿರ್ದೇಶನ ಮಲ್ತೊಂದುಪ್ಪುನ ಕಾಂತಾರ ಚಾಪ್ಟರ್-1 ಮೂವೀದ ಶೂಟಿಂಗ್ದ ಪೊರ್ತುಡು ಜಲಾಶಯೊಡು ಓಡ ಕಬ್ಬೆ ಬೂರ್ದಿನ ನಡಕೆ ಶನಿವಾರ (ಜೂ14) ನಡತ್ದ್ಂಡ್ ಪನ್ದ್ ವರದಿ ಆತ್ಂಡ್. ಚಿತ್ರ ತಂಡೊದ ಮಾತೆರ್ಲಾ ಪಡಾಯಿದಾಂತೆ ಕರೆ ಸೇರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಮೂವಿದ ಅಕೇರಿದ ಹಂತೊದ ಶೂಟಿಂಗ್ಗಾದ್ ತೀರ್ಥಹಳ್ಳಿದ ಮಾಣಿ ಜಲಾಶಯೊದ ಕೈತಲ್ 15 ದಿನೊತ ಶೂಟಿಂಗ್ ನಡತೊಂದಿತ್ತ್ಂಡ್. ಶೂಟಿಂಗ್ ಮಲ್ಪುನ ಪೊರ್ತುಡು ಓಡ ಕಬ್ಬೆ ಬೂರ್ದ್ಂಡ್ ಪನ್ದ್ ಪನೊಂದಿತ್ತ್ದ್ ನಟೆ ರಿಷಬ್ ಶೆಟ್ಟಿ ಸೇರ್ದ್ 30 ಜನ ಅಲ್ಪ ಇತ್ತೆರ್ ಪನ್ಪಿನ ಒಲವು ತಿಕ್ಕ್ದ್ಂಡ್. ಕೆಮರಾ ಬೊಕ್ಕ ಬೇತೆ ಸೊತ್ತುಲು ನೀರಪಾಲಾತ ಪನ್ದ್ ಪನ್ತೆರ್.
ಕರಿನ ಕಾಲಿ ರಡ್ಡ್ ತಿಂಗೊಲುಡು ಈ ಪಿಚ್ಚರ್ದ ಮೂವೆರ್ ಕಲಾವಿದೆರ್ ತೀರ್ದಿತ್ತ್ದ್, ಇತ್ತೆ ಕುಡ ಇಂಚಿನ ನಡಕೆಲೂ ನಡತೊಂದುಲ್ಲ.