ಉಬಾರ್: ಕುಮಾರಧಾರಾ ಸುದೆಬರಿಟ್ ತೂಯೆರ ತಿಕ್ಕ್ಂಡ್ ಮುದಲೆ

Last updated on June 19th, 2025 at 11:31 am

ಉಬಾರ್, ಜೂನ್ 19: ಮುದಲೆ ಒಂಜಿ 34ನೇ ನೆಕ್ಕಿಲಾಡಿಡ್ ಕುಮಾರಧಾರಾ ಸುದೆದ ಕರೆಟ್ ತೂಯೆರ ತಿಕ್ಕ್‌ದ್ಂಡ್ ಪನ್ದ್ ವರದಿ ಆತ್ಂಡ್. ಮುದಲೆ, ತೂಯೆರ ಜನ ಬರೊಂದಿತ್ತಿಲೆಕನೆ ಸುದೆಕ್ ಜತ್ತ್‌ದ್ ಪೋತುಂಡು.

ಮುಲ್ಪದ ಶೇಖಬ್ಬ ಹಾಜಿ ಪನ್ಪಿನಾರೆನ ಇಲ್ಲದ ಕೈತಲ್ ಕುಮಾರಧಾರಾ ಸುದೆಕ್ ಜಪ್ಪುನ ಸಾದಿದ ಕೈತಲ್ ಕರೆಟ್ ಮುದಲೆ ಇತ್ತಿನೆನ್ ಜೋಕುಲು ದೂರೊರ್ದು ತೂದಿತ್ತೆರ್. ಸುದೆ ಬರಿಟ್ ದಾಯ್ತನಾ ಜೆತ್ತ್‌ದ್ಂಡ್ ಪನ್ದ್ ಜೋಕುಲು ಮುಟ್ಟದಕ್ಲೆಗ್ ತೆರಿಪಾದೆರ್. ಅವು ದಾಯ್ತ ಪನ್ದ್ ತೂಯೆರೆ ಪೋನಗ ಮುದಲೆ ಸುದೆ ಬರಿಟ್ ಬೂರೊಂದಿನ ತೋಜಿದ್ಂಡ್. ಮೊಕುಲು ಒಂತೆ ಮುಟ್ಟ ಪೋದು ತೂನಗ ಮುದಲೆ ಮೊಕಲೆನ ಮಿತ್ತ್ ಬೂರುಲೆಕ ಮೊಕಲೆನಂಚಿ ತೂತುಂಡು, ಬೊಕ್ಕ ಸುದೆಕ್ ಜತ್ತ್‌ದ್ ತೋಜಂದೆ ಆತ್ಂಡ್.