Last updated on June 20th, 2025 at 08:32 am
ಕುಡ್ಲ, ಜೂ. 20: ದಕ್ಷತೆನ್ ಎಚ್ಚ ಮಲ್ಪುನ ದಿಟ್ಟಿಡ್ ಅಂಚೆನೇ ಕಾನೂನು ಸುವ್ಯವಸ್ಥೆನ್ ಒರಿತೊನುನ ಈಡ್ ದೀವೊಂದು ಮಹತ್ವೊದ ಆಡಳಿತಾತ್ಮಕ ಬುಲೆಚ್ಚಿಲ್ಡ್, ಕುಡ್ಲ ನಗರ ಕಮಿಷನರೇಟ್ ಬೊಕ್ಕ ಕುಡ್ಲ ಜಿಲ್ಲೆದ ಪೊಲೀಸ್ ಇಲಾಖೆಲೆಡ್ ಮಲ್ಲ ಮಟ್ಟ್ದ ಸಿಬ್ಬಂದಿಲೆ ಟ್ರಾನ್ಸ್ಫರ್ ನಡತ್ದ್ಂಡ್.
ಕುಡ್ಲ ನಗರ ಪೊಲೀಸ್ ಆಯುಕ್ತೆ ಸುಧೀರ್ ಕುಮಾರ್ ರೆಡ್ಡಿ ಮೇರ್ ಕಮಿಷನರೇಟ್ ಸೀಮೆದ 56 ಸಿಬ್ಬಂದಿಲೆನ ಟ್ರಾನ್ಸ್ಫರ್ ಆದೇಶೊನು ಕೊರ್ತೆರ್. ಈ ಟ್ರಾನ್ಸ್ಫರ್ಡ್ ಸಿಸಿಬಿ, ನಗರ ಸಶಸ್ತ್ರ ರಿಸರ್ವ್ ಫೋರ್ಸ್ ಬೊಕ್ಕ ಪಾಕ ಪೊಲೀಸ್ ಸ್ಟೇಶನ್ಲೆನ ಅಧಿಕಾರಿಲು ಉಲ್ಲೆರ್.
ತುಳುನಾಡೊರ್ಮೆ ರಾಜ್ಯ ಸರ್ಕಾರ ಪಾಕ ಐಎಎಸ್ ಬೊಕ್ಕ ಐಪಿಎಸ್ ಅಧಿಕಾರಿಲೆನ ಟ್ರಾನ್ಸ್ಫರ್ ಮಲ್ತಿ ಬೆರಿಕೇ, ಪುನರ್ರಚನೆ ಅಭಿಯಾನೊದ ಭಾಗ ಆದ್ ಒಂಜೇ ಪೋಸ್ಟ್ಡ್ ಸುಮಾರ್ ವರ್ಸ ಸೇವೆ ಮಲ್ದಿನ ಪಾಕ ಅಧಿಕಾರಿಲೆನ್ ಅಡಿಲಕ್ಕಾದೆರ್.
ಈ ನಡುಟು, ಕುಡ್ಲ ಜಿಲ್ಲಾ ಪೊಲೀಸೆರ್ ಪಿದಡ್ಪಾದಿನ ಆದೇಶೊದ ಪ್ರಕಾರ, ಬೇತೆ ಬೇತೆ ಸ್ಟೇಶನ್ಲೆನ ಒಟ್ಟು 116 ಪೊಲೀಸ್ ಸಿಬ್ಬಂದಿಲೆನ್ ಟ್ರಾನ್ಸ್ಫರ್ ಮಲ್ತ್ದೆರ್.
7 ಅಸಿಸ್ಟೆಂಟ್ ಸಬ್-ಇನ್ಸ್ಪೆಕ್ಟರ್ನಕುಲು (ASI)
31 ಸಿವಿಲ್ ಪೊಲೀಸ್ ಹೆಡ್ ಕಾನ್ಸ್ಟೆಬಲ್ನಕುಲು
78 ಸಿವಿಲ್ ಪೊಲೀಸ್ ಕಾನ್ಸ್ಟೇಬಲ್ನಕುಲು
ಕುಡ್ಲ ಜಿಲ್ಲೆಡ್ ಜೂನ್ 10 ರ್ದ್ ಜಾರಿಗ್ ಬೈದಿನ ಈ ಟ್ರಾನ್ಸ್ಫರ್ಲು ಸಾರ್ವಜನಿಕ ಸೇವೆ ಬೊಕ್ಕ ಆಡಳಿತಾತ್ಮಕ ಪುನರ್ರಚನೆಗ್ ಪೂರಕ ಆದುಲ್ಲ ಪನ್ದ್ ಪನೊಂದುಲ್ಲೆರ್.