Last updated on October 7th, 2022 at 09:11 pm
ತುಳು ಚಿತ್ರರಂಗೊಡು ಪೊಸ ಪೊಸ ವಿಭಿನ್ನ ಸಿನಿಮೊಲು ಬರೊಂದೆ ಉಪ್ಪುವ. ಈ ಸರ್ತಿ ಅರವಿಂದ್ ಬೋಳಾರ್ ಬಾರಿ ವಿಶೇಷ ಪಾತ್ರೊಡುಪ್ಪುನ ಐಸಬ್ಬಾಸ್ ಮೂವೀ ಬರ್ರಗುಂಡು. ನೆತ್ತ ಮುಹೂರ್ತೊದ ಲೇಸ್ ಕುಂಪಲದ ಕೊರಗಜ್ಜ ಕೊರಪೊಳಮ್ಮ ಸಾನಿಧ್ಯ, ನಡುಪೊಲಿಕೆ ಡ್ ಸೆಪ್ಟೆಂಬರ್ 26 ಕ್ ನಡತ್ಂಡ್.
ಬಿರುವ ಫಿಲಂಸ್‌ದ ಅಡಿಟ್ ಉಂಡಾಪಿನ ಈ ಪಿಚ್ಚರ್‌ದ ಮುಹೂರ್ತೊದ ಲೇಸ್ ಕೊಪ್ಪರಿಗೆ ಏರಾವುನ ದಿನೊನೇ ನಡತ್ಂಡ್. ಈ ಲೇಸ್‌ಡ್ ಯು ಟಿ ಖಾದರ್ ಪಾಲ್‌ಪಡೆದಿತ್ತೆರ್.
ಈ ಪೊರ್ತುಡು ಪಾತೆರ್ನ ಭೋಜರಾಜ್ ವಾಮಂಜೂರ್ ಮೊಬೈಲ್‌ಡ್ ಪಿಚ್ಚರ್ ತೂವೊರ್ಚಿ, ಕಾಸ್ ಕೊರ್ದು ಥಿಯೇಟರ್ಡ್ ತೂಲೆ ಪಂದ್ ಬಿನ್ನೈತೊಂಡೆರ್. ಬೊಕ್ಕ ಪಾತೆರ್ನ ವಿಜಯ್ ಕುಮಾರ್ ಕೊಡಿಯಾಲ್‌ಬೈಲ್ ಜಯಪ್ರಸಾದೆರ್ ಮಲ್ತೊಂದುಪ್ಪುನ ಈ ಪಿಚ್ಚರ್ ಡ್ ವಾಮಂಜೂರ್, ಬೋಳಾರ್, ನವೀನ್ ಡಿ ಪಡೀಲ್, ಸುಂದರ್ ರೈ ಮಂದಾರ, ಯುವ ಶೆಟ್ಟಿ, ತಿಮ್ಮಪ್ಪ ಕುಲಾಲ್, ಬಂಟ್ವಾಳ ಜಯರಾಮ ಆಚಾರ್, ರಂಜನ್ ಬೋಳೂರ್, ರವಿ ರಾಮಕುಂಜ, ಸುರೇಶ್ ಕುಲಾಲ್ ಇಂಚ ಮಸ್ತ್ ಜನ ಕಲಾವಿದೆರ್ ಉಲ್ಲೆರ್ ಪಂಡೆರ್.