Last updated on June 22nd, 2025 at 09:22 am
ಅಮೆರಿಕ, ಜೂ. 22: ಇಸ್ರೇಲ್ ಬೊಕ್ಕ ಇರಾನ್ ಕೊಲಲೊಗು ಅಮೆರಿಕಲಾ ಪೊಗ್ಗುದಿತ್ತ್ದ್, ರಾತ್ರೆ ಇರಾನ್ದ ಮೂಜಿ ಪರಮಾಣು ನಿಲೆಕುಲಾಯಿನ ಫೋರ್ಡೋ, ನಟಾಂಜ್, ಎಸ್ಪಹಾನ್ದ ಮಿತ್ತ್ ಅಮೆರಿಕ ದಾಳಿ ಮಲ್ದ್ಂಡ್.
ಈ ಬಗೆಟ್ ಟ್ವೀಟ್ ಮಲ್ದಿನ ಅಮೆರಿಕ ಅಧ್ಯಕ್ಷೆ ಡೊನಾಲ್ಡ್ ಟ್ರಂಪ್, ‘ಇರಾನ್ದ 3 ಪರಮಾಣು ನಿಲೆಕುಲಾಯಿನ ಫೋರ್ಡೋ, ನಟಾಂಜ್ ಬೊಕ್ಕ ಇಸ್ಪಹಾನ್ದ ಮಿತ್ತ್ದ ದಾಳಿ ಯಶಸ್ವಿ ಆತ್ಂಡ್. ಮಾತಾ ಯುದ್ಧ ವಿಮಾನೊಲು ಸುರಕ್ಷಿತವಾದ್ ಐಕ್ಲೆನ ನಿಲೆಕ್ ಬರೊಂದುಲ್ಲ. ಇತ್ತೆ ಯುದ್ಧ ವಿಮಾನೊಲು ಇರಾನ್ದ ವಾಯುಪ್ರದೇಶರ್ದ್ ಪಿದಯಿ ಬರೊಂದುಲ್ಲ. ಇತ್ತೆ ಶಾಂತಿದ ಪೊರ್ತು’ ಪನ್ದ್ ಪೋಸ್ಟ್ ಮಲ್ದೆರ್.
ಉಂದೆತ ಬೆರಿಟೇ ಇರಾನ್, ‘ನಿಕುಲು ಸುರು ಮಲ್ದರ್, ಅವೆನ್ ಎಂಕುಲು ಮುಗಿಪುವ’ ಪನ್ದ್ ಅಮೆರಿಕಗ್ ಎಚ್ಚರ್ಗೆ ಕೊರ್ತುಂಡು.
ಫೋರ್ಡೋದ ಮಿತ್ತ್ ಆಜಿ ಅಮೆರಿಕನ್ ಬಾಂಬರ್ಲು ದಾಳಿ ಮಲ್ತ್ದ. ನಟಾಂಜ್ ಬೊಕ್ಕ ಎಸ್ಪಹಾನ್ದ ಮಿತ್ತ್ ಅಮೆರಿಕನ್ ಜಲಾಂತರ್ಗಾಮಿ ನೌಕೆಲು 30 ಟೊಮಾಹಾಕ್ ಮಿಸೈಲ್ಲೆರ್ದ್ ದಾಳಿ ಮಲ್ದ.
ಇರಾನ್ದ ಮಿತ್ತ್ ಅಮೆರಿಕ ದಾಳಿ ಮಲ್ತಿಬೆರಿಟೇ ಇರಾನ್ಡುಪ್ಪುನ ಮೂಜಿ ಪರಮಾಣು ನಿಲೆಕುಲೆನ್ ಇತ್ತೆನೇ ಬೇತೆ ಕಡೆಕ್ ಅಡಿಲಕ್ಕಾದೆರ್. ನ್ಯೂಕ್ಲಿಯರ್ ಲೀಕೇಜ್ದ ಒವ್ವೇ ಪೋಡಿಗೆ ಇಜ್ಜಿ ಪನ್ದ್ ಇರಾನ್ ಸರ್ಕಾರಿ ಮೀಡಿಯಾ ತೆರಿಪಾದ್ಂಡ್.