Last updated on June 28th, 2025 at 09:00 am
ಕುಡ್ಲ, ಜೂ. 28: ಊರೂರು ತಿರ್ಗೊಂದಿತ್ತಿನ ತಿರ್ಗೆಲ್ ಪುಚ್ಚೆ ಒಂಜಿ ತತ್ತ್ದ್ ಪಾಂಡೇಶ್ವರದ ಫೋರಂ ಮಾಲ್ಗ್ ಏರೆನನಾ ಒಟ್ಟುಗು ಬತ್ತ್ದ್, ಇತ್ತೆ ಅಲ್ಪನೇ ಗಟ್ಟಿ ಆತ್ಂಡ್. ಮಾಲ್ಗ್ ಬತ್ತಿನಕುಲು ಮಾತಾ ಕೊಂಡಾಟ ಮಲ್ತ್ ಮಲ್ತ್ದ್ ಸೆಲೆಬ್ರಿಟಿ ಆತ್ಂಡ್. ಇತ್ತೆ ಈ ಪುಚ್ಚೆಗ್ ‘ಮಿಂಚು’ ಪನ್ದ್ ಪುದರ್ ದೀದಿತ್ತ್ದ್, ಐಕ್ ಕುಲ್ಯೆರ ಜೆಪ್ಯೆರ ಮಾಲ್ದ ಎದುರುಡೇ ಕ್ಯಾಟ್ ಹೌಸ್ಲಾ ಕಟ್ಟಾದೆರ್.
ಫೋರಂ ಮಾಲ್ದ ಸುತ್ತಮುತ್ತ ಕರಿನ ರಡ್ಡ್ ವರ್ಸೊರ್ದಿಂಚಿ ಸುತ್ತೊಂದುಪ್ಪುನ ಈ ಪುಚ್ಚೆ ಎಡ್ಡೆ ಕೊಂಡಾಟ ಉಂಡು. ಸೇಲೆ ಕಟ್ಟೊಂದು, ಮಾಲ್ಗ್ ಬತ್ತಿನಕಲೆಗ್ ಮೆಯಿ ಉರ್ದೊಂದು ಮಾತೆರೆನ್ ತನ್ನಂಚಿ ಒಯ್ತೊಂದುಂಡು. ಮಾಲ್ಗ್ ಬತ್ತಿನಕುಲು ಕೆಲವೆರ್ ಒರ ಪುಚ್ಚೆದಡೆ ಬತ್ತ್ದ್ ಫೋಟೋ, ಸೆಲ್ಪಿ ಕಲೆದ್ ಕುಸಿ ಪಡೆಪೆರ್. ಉಂದೆತ ಗೊಬ್ಬುಲೆನ್ ತೂದು ಮಾಲ್ ಸಿಬ್ಬಂದಿ ‘ಮಿಂಚು’ ಪನ್ದ್ ಪುದರ್ ದೀತೆರ್. ಒಂಜರೆ ತಿಂಗೊಲುಗು ದುಂಬು ಪುಚ್ಚೆಗ್ ಬೋಡಾದ್ ಸಿಬ್ಬಂದಿ ಕಿಞ್ಞ ‘ಮಿಂಚು ಹೌಸ್’ ಪುದರ್ಡ್ ಕ್ಯಾಟ್ ಹೌಸ್ ಕಟ್ಟಾದೆರ್.