Last updated on June 30th, 2025 at 09:11 am
ಕುಕ್ಕೆ ಸುಬ್ರಹ್ಮಣ್ಯ, ಜೂ. 30: ತಮಿಳುನಾಡ್ದ ಬಿಜೆಪಿಯ ಮಾಜಿ ರಾಜ್ಯಾಧ್ಯಕ್ಷೆ, ಮಾಜಿ ಐಪಿಎಸ್ ಅಧಿಕಾರಿ ಕೆ ಅಣ್ಣಾಮಲೈ ಇಲ್ಲದಕುಲೆನ ಒಟ್ಟುಗು ಕೋಡೆ ಕುಕ್ಕೆ ಸುಬ್ರಹ್ಮಣ್ಯ ದೇಲಂತಡೆಗ್ ಬತ್ತ್ದ್ ದೇಬೆರೆ ದರ್ಶನ ಮಲ್ತ್ದೆರ್.
ಅಣ್ಣಾಮಲೈ ತನ್ನ ಬೊಡೆದಿ ಬೊಕ್ಕ ಜೋಕುಲೆನ ಒಟ್ಟುಗು ಕುಕ್ಕೆ ಸುಬ್ರಹ್ಮಣ್ಯಗ್ ಬತ್ತ್ದೆರ್.
ಅವೆರ್ದ್ ಬೊಕ್ಕ ಅಣ್ಣಾಮಲೈ ಶ್ರೀ ಸಂಪುಟ ನರಸಿಂಹಸ್ವಾಮಿ ಸುಬ್ರಹ್ಮಣ್ಯ ಮಠೊಟು ಆಶ್ಲೇಷ ಬಲಿ ಪೂಜೆ ಮಲ್ಪಾಯೆರ್. ಈ ಪೊರ್ತುಡು ಆರೆನ ಬೊಡೆದಿ, ಜೋಕುಲು ಬೊಕ್ಕ ಕುಟುಮದಕುಲು ಇತ್ತೆರ್. ಪೂಜೆ ಮಲ್ತಿ ಬೊಕ್ಕ ವಿದ್ಯಾ ಪ್ರಸನ್ನ ತೀರ್ಥ ಶ್ರೀಪಾದೆರೆನ್ ಭೇಟಿ ಆದ್ ಆಶೀರ್ವಾದ ಗೆತೊಂಡೆರ್.
ಬೊಕ್ಕ ಮಾಧ್ಯಮೊಲೆಡ ಪಾತೆರ್ನ ಆರ್ ಯಾನ್ ಕರಿನ ಪತ್ತ್ ಪದಿನೈನ್ ವರ್ಸೊರ್ದಿಂಚಿ ಸ್ವಾಮೀಜಿಲೆನ ಕೈತಡೆ, ಕುಕ್ಕೆ ಸುಬ್ರಹ್ಮಣ್ಯ ಕ್ಷೇತ್ರೊಗು ಬರೊಂದುಲ್ಲೆ. ಆಶ್ಲೇಷ ನಕ್ಷತ್ರೊದ ಈ ಪುಣ್ಯದಿನೊತಾನಿ ದೇಬೆರೆಡ ಪ್ರಾರ್ಥನೆ ಮಲ್ತಿತ್ತ್ದ್ ತಮಿಳುನಾಡ್ದ ಜನ, ಕರ್ನಾಟಕದ ಜನ ಅಂಚೆನೇ ಇಡೀ ಭಾರತೊದ ಜನ ಸುಖ ಶಾಂತಿ ನೆಮ್ಮದಿಡ್ ಬದ್ಕೊಡು ಅಂಚೆನೇ ಮಾತೆರೆಗ್ಲಾ ಎಡ್ಡೆ ಆವಡ್ ಪನ್ದ್ ಪ್ರಾರ್ಥನೆ ಮಲ್ತೆ ಪನ್ದ್ ಪನ್ಡೆರ್.