Last updated on July 5th, 2025 at 03:00 pm
ಕುಡುಮ, ಜು. 05: ಕುಡುಮ ಗ್ರಾಮೊಡು ನಡತಿನ ಅತ್ಯಾಚಾರ ಬೊಕ್ಕ ಕೊಲೆ ಪ್ರಕರಣೊಗು ಸಂಬಂಧಿತ್ದ್ ಪೊಲೀಸ್ ಇಲಾಖೆಡ್ ಒಯಿಲ್ ಬರೆಪಾದಿನ ಅನಾಮಧೇಯ ಆಂಜೊವುನ ಒಯಿಲ್ದ ಪ್ರಕಾರ ಪೊಲೀಸ್ ಸ್ಟೇಶನ್ಗ್ ಒವ್ವೇ ಪುನೊನು ಕೊರ್ತುಜೆರ್ ಪನ್ದ್ ಪೊಲೀಸೆರ್ ಸ್ಪಷ್ಟ ಮಲ್ದೆರ್.
ಪತ್ರಿಕಾಪ್ರಕಟಣೆಡ್ ಒಲವು ಕೊರ್ತಿನ ಪೊಲೀಸೆರ್ ಧರ್ಮಸ್ಥಳ ಪೊಲೀಸ್ ಸ್ಟೇಶನ್ ಅ.ಕ್ರ: 39/2025 ಪ್ರಕರಣೊಗು ಸಂಬಂಧಿತ್ದ್, ಈ ದೂರುದಾರೆರೆ ವಕೀಲೆರ್ ಬುಡುಗಡೆ ಮಲ್ದಿನ ಪತ್ರಿಕಾ ಪ್ರಕಟಣೆನ್ ತೂದು, ಕೆಲಜನ ಒಯಿಲ್ಡ್ ಇಪ್ಪುನ ಪುನೊತ ಬಗೆಟ್ ವಿಚಾರಣೆ ಮಲ್ದೆರ್.
ಈ ವಿಷಯೊದ ಬಗೆಟ್ ಸ್ಪಷ್ಟನೆ ದಾದ ಪನ್ಡ, ಈ ಒಯಿಲ್ಗ್ ಸಂಬಂಧಿತ್ದ್, ಇದಮುಟ್ಟ ಪೊಲೀಸ್ ಸ್ಟೇಶನ್ಗ್ ಮಂಡೆ ಬೋಕ್ಕ ಅವಶೇಷೊದ ಕೆಲಭಾಗೊಲು ಇಪ್ಪುನ ರಡ್ಡ್ ಫೋಟೋಲೆನ ಕಲರ್ ಕಾಪಿ ಮಾತ್ರ ಸಂದಾದೆರ್. ಉಂದು ಅತ್ತಂದೆ ಒವ್ವೇ ಪುನೊನು ಈತ್ನೇಟ ಪೊಲೀಸ್ ಸ್ಟೇಶನ್ಗ್ ಕೊರ್ತುಜೆರ್. ದೂರುದಾರೆರೆನ ಪರವಾದ್ ವಕೀಲೆರ್ ಒಯಿಲ್ ಬರೆಪಾನಗ ಪುನೊನು ನನದ ಹಂತೊಡು ನ್ಯಾಯಂತಡೆಕ್ ಸಂದಾವುನು ಪನ್ದ್ ಬರೆದ್ ತೆರೀಪಾದೆರ್.