Last updated on July 7th, 2025 at 10:39 am
ಕಡಬ, ಜು. 07: ಕಡಬ ತಾಲೂಕ್ಡೊರ್ಮೆ ಸುಬ್ರಹ್ಮಣ್ಯ ಸೇರ್ದ್ ಬೇತೆ ಕಡೆಟ್ಲಾ ಜುಲೈ 6ತಾನಿ ಭಾರೀ ಗಾಳಿ ಬರ್ಸ ದೊರಿದ್ಂಡೊ. ಮದ್ಯಾನದ ಗಾಳಿ ಬರ್ಸೊಗು ಸುಬ್ರಹ್ಮಣ್ಯ ಮೈನ್ರೋಡ್ದ ಕಾಶಿಕಟ್ಟೆದ ಕೈತಲ್ ನೇಲ್ಯ ಮರ ಒಂಜಿ ಕರೆಂಟ್ ವಯರ್ಲೆನ ಮಿತ್ತ್ ಬೂರ್ದಿತ್ತ್ದ್, ಮುಟ್ಟಡಿತ್ತಿನ ಕರೆಂಟ್ ಕುಂದೊಲುಲಾ ಅಡಿಮಗ್ರ್ದ.
ಉಂದೆರ್ದಾವರ ಕರೆಂಟ್ ವಯರ್ಲು ಕಡಿದ್, ಕರೆಂಟ್ ಇಜ್ಜಂಡ್. ರಡ್ಡ್ ಕರೆಂಟ್ ಕುಂದೊಲು ಬೂರ್ದಿತ್ತ್ದ್, ಮೆಸ್ಕಾಂ ಸಿಬ್ಬಂದಿಲು ಭಾರೀ ಬರ್ಸೊದ ನಡುಟುಲಾ ಕರೆಂಟ್ದ ಬೇಲೆ ಮಲ್ದೆರ್. ಮರ ಮೈನ್ ರೋಡ್ಗ್ ಬೂರಂದೆ ಬರಿತ ಖಾಲಿ ಜಾಗೆದಂಚಿ ಬೂರ್ದ್ಂಡ್. ಈ ಪೊರ್ತುಡು ಪಾರ್ಕಿಂಗ್ ಜಾಗೆಡ್ ಒವ್ಲಾ ಗಾಡಿಲು ಇಜ್ಜಂದಿನೆರ್ದಾವರ ಅಂಚೆನೇ ಜನೊಕುಲು ಇಜ್ಜಂದಿನೆರ್ದಾವರ ಮಲ್ಲ ಅನಾಹುತ ತತ್ತ್ದ್ಂಡ್.