Last updated on July 7th, 2025 at 09:25 am
ಕುಡ್ಲ, ಜು 07: ಕುಡ್ಲಗ್ ಮಾದಕ ಸೊತ್ತುಲೆನ ಸಪ್ಲೈ ಮಲ್ತೊಂದಿತ್ತಿನ ಆರೋಪಡ್ ಹಾಸನ ಜಿಲ್ಲೆದ ಸಕಲೇಶಪುರದ ಧ್ರುವ್ ಡಿ. ಶೆಟ್ಟಿ (22) ಪನ್ಪಿನಾಯನ್ ಕುಡ್ಲ ಸೆನ್ ಪೋಲೀಸೆರ್ ಕೈದ್ ಮಲ್ದೆರ್.
ಡ್ರಗ್ಸ್ ಮಾರುನ ಪ್ರಕರಣೊಡು ಜುಲೈ 2 ತಾನಿ ಕುಡ್ಲ ಸೆನ್ ಪೋಲೀಸೆರ್ NDPS ಕಾಯ್ದೆದಡಿಟ್ ಪ್ರಕರಣ ದಾಕಲ್ತ್ದ್, 5 ಜನ ಆರೋಪಿಲೆನ್ ನ್ಯಾಯಂತಡೆಗ್ ಹಾಜಿರಿ ಮಲ್ತಿತ್ತೆರ್.
ಅವೆತ ದುಂಬರಿನ ಕಾರ್ಯಾಚರಣೆದ ಭಾಗ ಆದ್ ಈ ಐವೆರ್ ಆರೋಪಿಲೆಗ್ ಮಾದಕ ಸೊತ್ತುಲೆನ ಸಪ್ಲೈ ಮಲ್ತೊಂದಿತ್ತಿನ ಆರೋಪಿ ಧ್ರುವ್ ಶೆಟ್ಟಿನ್ ಐತಾರ ಮೈಸೂರುಡ್ ಕೈದ್ ಮಲ್ದೆರ್.
ಆರೋಪಿನ ಕೈರ್ದ್ ಮೊಬೈಲ್, ಟೂವೀಲರ್ನ್ ವಶೊಕು ಗೆತೊಂದ ಪನ್ದ್ ಪೋಲೀಸೆರ್ ತೆರಿಪಾದೆರ್.