Last updated on July 8th, 2025 at 10:13 am
ಕುಡ್ಲ, ಜು. 08: ಹಾರ್ಟ್ ಅಟ್ಯಾಕ್ ಆದ್ ಇಂಜಿನಿಯರಿಂಗ್ ಕಲ್ತೊಂದಿತ್ತಿನ ಆಣ್ ಒರಿ ಕುಸ್ಕುದ್ ಬೂರ್ದ್ ತೀರ್ದಿನ ನಡಕೆ ತೊರತ್ತಲ್ದ ಕೃಷ್ಣಾಪುರ ಹಿಲ್ಸೈಡ್ ಕೈತಲ್ ಸೋಮವಾರ ಮದ್ಯಾನ ನಡತ್ದ್ಂಡ್.
ತೀರ್ದಿನಾಯನ್ ಹಿಲ್ಸೈಡ್ ನಿವಾಸಿ ಅಸ್ಗರ್ ಅಲಿ ಮೆರೆನ ಮಗೆ ಅಫ್ತಾಬ್ (18) ಪನ್ದ್ ಗುರ್ತ ಪತ್ತ್ದೆರ್. ಮೇರ್ ತೊರತ್ತಲ್ಡ್ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಡಿಪ್ಲೊಮಾ ಕಲ್ತೊಂದಿತ್ತೆರ್.
ಮಧ್ಯಾಹ್ನ 12 ಗಂಟೆದ ಅಂದಾಜಿಗ್ ಅಫ್ತಾಬ್ ಇಲ್ಲಡ್ ಮೀಯೆರೆ ಪೋವೊಂದಿತ್ತಿಲೆಕನೆ ಹಾರ್ಟ್ ಅಟ್ಯಾಕ್ ಆದ್ ಕುಸ್ಕ್ದ್ ಬೂರ್ದೆರ್.
ಅಫ್ತಾಬ್, ಅಸ್ಗರ್ ಅಲಿ ಮೆರೆನ ನಾಲ್ ಜೋಕುಲೆಡ್ ಒರಿಯೇ ಆಣ್. ಆರೆನ ಮೂವೆರ್ ಪಲಿಯರ್ಲೆಗ್ ಮದಿಮೆ ಆತ್ಂಡ್. ಆರೆನ ಅಪ್ಪೆ ಕೋವಿಡ್ದ ಪೊರ್ತುಡು ತೀರ್ದಿತ್ತೆರ್. ಅಪಗರ್ದ್ ಬೊಕೂ ಅಮ್ಮೆ ಮಗೆ ಮಾತ್ರ ಇಲ್ಲಡ್ ಇಪ್ಪೆದೆರ್.
ರಿಕ್ಷಾ ಡ್ರೈವರ್ ಆದುಪ್ಪುನ ಅಲಿ, ಮಧ್ಯಾಹ್ನ ಮುಟ್ಟಲಾ ತನ್ನ ಮಗನೊಟ್ಟುಗು ಇಲ್ಲಡ್ ಇತ್ತೆರ್. ಆರ್ ಸುಮಾರ್ 1 ಗಂಟೆಗ್ ಬೇಲೆಗ್ ಪೋಯಿ ಬೊಕ್ಕ ಈ ದುರಂತ ನಡತ್ದ್ಂಡ್ ಪನ್ದ್ ವರದಿ ಆತ್ಂಡ್.