Last updated on July 8th, 2025 at 05:19 pm
ದೆಲ್ಲಿ, ಜು. 08: ಭಾಷಾ ವಿವಾದೊದ ನಡುಟೇ, ಜನೊಕುಲು ಪ್ರಾದೇಶಿಕವಾದ್ ಇಲ್ಲಡ್ ಪಾತೆರುನ ಭಾಷೆಡೇ ಪ್ರಾಥಮಿಕ ಶಿಕ್ಷಣ ಕೊರೊಡು ಪನ್ದ್ ರಾಷ್ಟ್ರೀಯ ಸ್ವಯಂಸೇವಕ ಸಂಘ(RSS) ಸೋಮವಾರ ಪನ್ತ್ಂಡ್.
ಮಹಾರಾಷ್ಟ್ರ, ಕರ್ನಾಟಕ ಬೊಕ್ಕ ತಮಿಳುನಾಡು ತ್ರಿಭಾಷಾ ನೀತಿನ್ ಪಿರಗೆತೊಂಡಿಬೊಕ್ಕ, RSS ಅಖಿಲ ಭಾರತೀಯ ಪ್ರಚಾರ ಪ್ರಮುಖ್ ಸುನಿಲ್ ಅಂಬೇಕರ್, “ಭಾರತೊದ ಮಾತಾ ಭಾಷೆಲು ರಾಷ್ಟ್ರೀಯ ಭಾಷೆಲು ಪನ್ಪಿ ಭಾವನೆ ಸಂಘೊಗು ಏಪೊಗುಲಾ ಉಂಡು. ಜನೊಕುಲು ತನ್ಕುಲೆ ಸ್ವಂತ ಜಾಗೆಲೆಡ್ ತನ್ಕುಲೆ ಭಾಷೆನ್ ಪಾತೆರುವೆರ್. ಪ್ರಾಥಮಿಕ ಶಿಕ್ಷಣೊನ್ಲಾ ಅವ್ನೇ ಭಾಷೆಡ್ ಪ್ರಸಾರ ಮಲ್ಪೊಡು, ಮಾತೆರ್ಲಾ ಕೇನೊಂದುಪ್ಪುನು ಉಂದೆನೇ” ಪನ್ದ್ ಪನ್ಡೆರ್.