Last updated on July 9th, 2025 at 08:49 am
ಪುತ್ತೂರು, ಜು. 09: ತನ್ನ ಅಪ್ಪೆನ ಒಟ್ಟುಗು ಬಸ್ಸ್ಗ್ ಕಾತೊಂದಿತ್ತಿನ ಅಪ್ರಾಪ್ತ ಪ್ರಾಯದ ಪೊಣ್ಣಗ್ ಆಂಜೊವು ಒರಿ ಲೈಂಗಿಕ ಕಿರುಕುಳ ಕೊರ್ತಿನ ಪ್ರಕರಣ ಪುತ್ತೂರ್ದ ನೆಹರೂನಗರ ಬಸ್ಸ್ ಉಂತಡೆಡ್ ಅಂಗಾರೆ ನಡತಿತ್ತ್ದ್, ಆರೋಪಿನ್ ಕೈದ್ ಮಲ್ತಿನ ಪೊಲೀಸೆರ್ ಪೋಕ್ಸೋ ಪ್ರಕರಣ ದಾಕಲ್ತ್ದೆರ್.
ಪುತ್ತೂರ್ದ ಕಬಕ ನಿವಾಸಿ ನವೀನ್ ಚಂದ್ರೆ (49) ಕೈದಾತಿನ ಆರೋಪಿ ಪನ್ದ್ ಪೊಲೀಸೆರ್ ತೆರಿಪಾದಿತ್ತ್ದ್, ಆಯನ್ ನ್ಯಾಯಂತಡೆಕ್ ಹಾಜಿರಿ ಮಲ್ತಿತ್ತ್ದ್, ನ್ಯಾಯಂತಡೆ ಆರೋಪಿ ನವೀನ್ ಚಂದ್ರಗ್ 15 ದಿನೊತ ನ್ಯಾಯಾಂಗ ಕೈದ್ ಕೊರ್ತುಂಡು.
ಪೊಣ್ಣು ತನ್ನ ಅಪ್ಪೆನ ಒಟ್ಟುಗು ಉಂತುದಿತ್ತಿನ ಪೊರ್ತುಡು ನವೀನ್ ಚಂದ್ರೆ ಅಸಭ್ಯ ರೀತಿಡ್ ವರ್ತನೆ ಮಲ್ತ್ದೆ, ಅಪಗನೇ ಪೊಣ್ಣನ ಅಪ್ಪೆ ಈ ಬಗೆಟ್ ಜಿಲ್ಲಾ ಮಹಿಳಾ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಕೊರ್ತೆರ್. ಒಯಿಲ್ದ ಆಧಾರೊಡು ಪೋಕ್ಸೋ ಕಾಯ್ದೆ 2012ತ ಕಲಂ 8 ಅಂಚೆನೇ ಭಾರತೀಯ ದಂಡ ಸಂಹಿತೆ (BNS 2023) 126(2), 74, 115(2), 353(2)ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.