Last updated on July 10th, 2025 at 01:10 pm
ರಾಯಚೂರು, ಜು. 10: ಸೀರೆ ತುತೊಂದು ಜೋಕುಲೆನ್ ಕಿಡ್ನಾಪ್ ಮಲ್ಪೆರ ತೂಯಿನ ಕಲ್ವನ್ ಪೊಲೀಸೆರ್ ಕೈದ್ ಮಲ್ದಿನ ನಡಕೆ ರಾಯಚೂರ್ದ ರಿಮ್ಸ್ ಆಸ್ಪತ್ರೆಡ್ ನಡತ್ದ್ಂಡ್.
ನಡೀರ್ 2 ಗಂಟೆದ ಅಂದಾಜಿಗ್ ಅಪ್ಪೆಯರ್ಲು ನಿದೆರ್ದಿಪ್ಪುನ ಪೊರ್ತುಡು ಬತ್ತ್ದ್ ಒರಿ ಜೋಕುಲೆನ್ ಕಂಡ್ಯೆರ ತೂತೆ. ಅಂಚಾದ್ ಅನುಮಾನ ಬತ್ತಿನೇ ಜನೊಕುಲು ಆಯನ್ ಪತ್ತ್ದ್ ಪೊಲೀಸೆರೆಗ್ ಒಪ್ಯಾದೆರ್.
ಜೋಕುಲೆನ್ ಕಂಡುನಾಯೆ ಸೀರೆ ತುತೊಂದು ಕಿಡ್ನಾಪ್ ಮಲ್ಪೆರ ರಿಮ್ಸ್ ಆಸ್ಪತ್ರೆದ ಪೆದ್ದೊಲ್ತಿಯರ್ಲೆನ ವಾರ್ಡ್ಗ್ ಪೊಗ್ಗುದೆ. ಪೊಂಜೊವು ಲೆಕ ಐತ ಮಲ್ತೊಂದು ಬೈದಿನ ಕಲ್ವನ್ ಜನೊಕುಲು ಪೊಲೀಸೆರೆಗ್ ಒಪ್ಯಾದೆರ್. ಆತೇ ಅತ್ತಂದೆ ರಿಮ್ಸ್ ಆಡಳಿತ ಮಂಡಳಿ ಬೊಕ್ಕ ಗೃಹ ರಕ್ಷಕ ಸಿಬ್ಬಂದಿಲೆನ ಮಿತ್ತ್ ಅಲ್ಪದಕುಲು ಆಕ್ರೋಶ ತೂಪಾದೆರ್. ಮೂಜಿ ಜನತ ಕೂಟ ಜೋಕುಲೆನ್ ಕಂಡ್ಯೆರ ಬೈದೆರ್ ಪನ್ಪಿ ಆರೋಪ ಕೇನ್ದ್ ಬತ್ತಿನ ಬೆರಿಟೇ ಮಾರ್ಕೆಟ್ ಯಾರ್ಡ್ ಪೊಲೀಸೆರ್ ಆಯನ್ ಅರೆಸ್ಟ್ ಮಲ್ದೆರ್.