Last updated on July 12th, 2025 at 08:47 am
ಕುಡ್ಲ, ಜುಲೈ 12: ಜನಪದ ಪಾಡ್ದನ ಕಲಾವಿದೆ ಬೊಳ್ಳಾಜೆ ಬಾಬಣ್ಣೆ (71) ಒಂತೆ ಸಮೆರ್ದಿಂಚಿ ಉಸಾರ್ ತತ್ತ್ದ್ ಇತ್ತ್ದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಕೋಡೆ ಕಾಂಡೆ ತೀರ್ದೆರ್.
ತುಳುನಾಡ ಪಾಕ ದೈವೊಲೆನ ಪಾಡ್ದಾನ ತೆರಿನಾರ್, ಆಕಾಶವಾಣಿ ಬೊಕ್ಕ ಬೇತೆ ಕಾರ್ಯಕ್ರಮೊಲೆಡ್ ಪಾಡ್ದನ ಪನ್ಪೆದೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟುಗು ಪ್ರೈವೇಟ್ ಚಾನೆಲ್ಡ್ ಮೆರೆನ ಪಾಡ್ದನ ದಾಖಲೀಕರಣದ ಒಟ್ಟುಗು ಪ್ರದರ್ಶನೊಲಾ ಆದಿತ್ತ್ಂಡ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿರ್ದ್ ಮಾನಾದಿಗೆ ಪಡೆತಿನ ಮೆರೆಗ್ ಬೇತೆ ಪಾಕ ಸನ್ಮಾನ ಪುರಸ್ಕಾರೊಲುಲಾ ತಿಕ್ಕ್ದ. ಇಂಚಿಪ ಕಾಂತಾರ ಪಿಚ್ಚರ್ಗ್ ಪಾಡ್ದನೊಲಾ ಪನ್ದಿತ್ತೆರ್ಗೆ. ಆದಿ ದ್ರಾವಿಡ ಸಮುದಾಯೊದ ಪೆರಿಯ ನಾಯಕೆ ಆದಿತ್ತ್ದ್, ಸತ್ಯ ಸಾರಮಣಿ ದೈವೊಲೆನ ಪಾಡ್ದನೊದ ಆಕರ ಆದಿತ್ತೆರ್. 1 ಆಣ್ 3 ಪೊಣ್ಣು ಜೋಕುಲು, ನೇಲ್ಯ ಬಂದುವರ್ಗೊನು ಅಗತ್ದೆರ್.
ಎಡಪದವು ಬೋರುಗುಡ್ಡೆದ ಇಲ್ಲಡ್ ಅಂತ್ಯಕ್ರಿಯೆ ಆದಿ ದ್ರಾವಿಡ ಸಮಾಜೊದ ಕಟ್ಟ್ದ ಪ್ರಕಾರ ಕೋಡೆ ನಡತ್ಂಡ್.
ಸಮಾಜೊದ ಗಣ್ಯೆರ್ ಅಂತ್ಯಕ್ರಿಯೆಟ್ ಪಾಲ್ಪಡೆಯೆರ್.