Last updated on July 12th, 2025 at 11:31 am
ಕುಡುಮ, ಜು. 11: ದೇಶೊಡೊರ್ಮೆ ಸುದ್ದಿ ಆಯಿನ, ಧರ್ಮಸ್ಥಳಡ್ ಪಾಕ ಪುನೊಕುಲೆನ್ ಕೌಂತುದೆ ಪನ್ದ್ ಸ್ಟೇಶನ್ಡ್ ಜುಲೈ 1 ತಾನಿ ಒಯಿಲ್ ಬರೆಪಾದಿನ ಆಂಜೊವು ಕೋಡೆ, ಜುಲೈ 11 ತ ಬಯ್ಯ 4:40 ಗ್ ಬೊಲ್ತೇರ್ ನ್ಯಾಯಂತಡೆದ ಎದುರು ಇರ್ವೆರ್ ವಕೀಲೆರೆ ಒಟ್ಟುಗು ಬತ್ತ್ದೆರ್.
ಬೊಲ್ತೇರ್ ಪ್ರಧಾನ ನ್ಯಾಯಾಧೀಶೆರ್ ಬೊಕ್ಕ ಪ್ರಥಮ ದರ್ಜೆ ನ್ಯಾಯಿಕ ದಂಡಾಧಿಕಾರಿ ಸಂದೇಶ್ ಕೆ ಮೆರೆನ ಎದುರು ಬತ್ತ್ದ್ BNS 183 ಪ್ರಕರಣೊದ ಬಗೆಟ್ ಪಾತೆರ್ದೆರ್.
ಅಲಕ್ಕ ಮೋನೆ ಮುಚೊಂದು ಬತ್ತಿನ ‘ಆ ಆಂಜೊವು’ ಬೊಲ್ತೇರ್ ನ್ಯಾಯಾಧೀಶೆರೆ ಎದುರು ಪನೊಡಾಯಿನೆನ್ ಪನ್ಡ್ದ್ ಪೋಲೀಸೆರೆ ಕಾಪುಡು ಪಿರಪೋತೆರ್.
ಕೆಲ ವರ್ಸೊಗು ದುಂಬು ಧರ್ಮಸ್ಥಳಡ್ ಬೇಲೆ ಮಲ್ತೊಂದಿಪ್ಪುನಗ ಮಿತ್ತ್ದ ಅಧಿಕಾರಿಲು ಸೂಚನೆ ಕೊರ್ತಿನ ಪಾಕ ಪುನೊಕುಲೆನ್ ಕೌಂತುದೆ. ಎನ್ನ ಇಲ್ಲದಕ್ಲೆಗ್ ಉಪದ್ರ ಸುರು ಆಯಿನೇ ತಪ್ಪಾವೊಂದು ಬಲ್ತ್ದೆ. ಇತ್ತೆ ಯಾನ್ ಮಲ್ತಿ ಬೇಲೆಲೆನ ಪಾಪಪ್ರಜ್ಞೆ ಎನ್ನ ಬೆರಿ ಬಡೊಂದಿಜ್ಜಿ. ಯಾನ್ ಅಲ್ಪ ಕೆರ್ತಿನಕ್ಲೆನ್ ಕೌಂತಿನ ಜಾಗೆನ್ ತೋಜಾವೆ ಪನ್ದ್ ವಕೀಲೆರೆ ಮುಕೇನ ಒಯಿಲ್ ಬರೆಪಾದಿನ ಆಂಜೊವು ತನ್ನ ಪಾತೆರೊನು ದಾಕಲಿಪೆರ ಬೊಲ್ತೇರ್ ಸ್ಟೇಶನ್ಗ್ ಬತ್ತ್ದೆರ್.