ಮಲ್ಲಿಕಾರ್ಜುನ ಖರ್ಗೆ ಆಪೆರಾ ಕಾಂಗ್ರೇಸ್ ಗುರ್ಕಾರೆ?

Last updated on October 1st, 2022 at 09:25 am

ಕರ್ನಾಟಕದ ಪೆರಿಯ ಕಾಂಗ್ರೇಸ್ ಬಾರಗೆ ಮಲ್ಲಿಕಾರ್ಜುನ ಖರ್ಗೆ ಕಾಂಗ್ರೇಸ್ ಗುರ್ಕಾರ ಪಟ್ಟೊಗು ಕೋಡೆ ಕಡು ಪಾಡಿಯೆರ್. ಮೆರೆಗ್ ಕಾಂಗ್ರೇಸ್ದ ಪೆರಿಯ ಜನಕುಲು ಪೂರಾ ಬೆರಿಬಲ ಕೊರೊಂದುಲ್ಲೆರ್. ಒರಿ ಯೂನಿಯನ್ ಲೀಡರ್ ಆದ್ ತನ್ನ ಸಾಮಾಜಿಕ ಜೀವನೊನು ಸುರು ಮಲ್ದಿತ್ತಿನ ಖರ್ಗೆ ದುಂಬುಗು ಕೇಂದ್ರ ಮಂತ್ರಿಯಾದ್, ವಿರೋಧ ಪಕ್ಷದ ನಾಯಕೆರಾದ್ ಅಂಚೆನೆ ಇತ್ತೆ ಕಾಂಗ್ರೇಸ್ ಗುರ್ಕಾರ್ಮೆದ ರೇಸ್ ಡ್ ಗೆಂದುನ ಅಭ್ಯರ್ಥಿಯಾದ್ ಯಾಪೊಗ್ಲಾ ಕಾಂಗ್ರೇಸ್ಗ್ ಬೊಕ್ಕ ಗಾಂಧಿ ಪರಿವಾರೊಗು ನಿಷ್ಟಾವಂತೆ ಆದ್ ಪುದರ್ ಪೋತಿನಾರ್. 80 ವರ್ಸದ ಖರ್ಗೆ ಬೌದ್ಧ ಧರ್ಮೊನು ಪಾಲನೆ ಮಲ್ಪುನಾರಾದುಲ್ಲೆರ್, 50 ವರ್ಸೊರ್ದುಲಾ ದಿಂಜ ರಾಜಕೀಯ ಅನುಭವ ಉಂಡು.

ಕಾಂಗ್ರೇಸ್ ಗುರ್ಕಾರ್ಮೆ ರೇಸ್ ಡ್ ಶಶಿ ತರೂರ್ ಬೊಕ್ಕ ಖರ್ಗೆ ಉಲ್ಲೆರ್. ಶಶಿ ತರೂರು ಪೊಸ ಜವನೆರೆ ಬೆರಿಬಲ ಪಡೆಯೊಂಡೆರ್ಡ ಖರ್ಗೆ ಕರ್ನಾಟಕ ಬೊಕ್ಕ ಮಾತಾ ಪರ ನಾಯಕೆರೆನ ಬೆರಿಬಲೊಟುಲ್ಲೆರ್. ಖರ್ಗೆ ಗೆಂದುನ ಖಚಿತ ಪನ್ಪಿನ ಸುದ್ದಿ ಉಂಡು.