ಪುತ್ತೂರು: ನವೆಂಬರ್ ತಿಂಗೊಲುದುಲಯಿ ಸಿದ್ಧರಾಮಯ್ಯೆ ರಾಜೀನಾಮೆ ಕೊರ್ಪೆರ್ – ಗಾಲಿ ಜನಾರ್ಧನ ರೆಡ್ಡಿ

Last updated on July 17th, 2025 at 08:48 am

ಪುತ್ತೂರು, ಜು‌. 17: ನವೆಂಬರ್ ತಿಂಗೊಲುದುಲಯಿ ಮುಖ್ಯಮಂತ್ರಿ ಸ್ಥಾನೊಗು ಸಿದ್ದರಾಮಯ್ಯೆ ರಾಜೀನಾಮೆ ಕೊರ್ಪುನ ಗ್ಯಾರೆಂಟಿ ಪನ್ದ್ ಮಾಜಿ ಸಚಿವೆ, ಗಂಗಾವತಿ ಶಾಸಕೆ ಗಾಲಿ ಜನಾರ್ಧನ ರೆಡ್ಡಿ ಸ್ಪೋಟಕ ಪಾತೆರ ಪನ್ತೆರ್.

ಮಾಧ್ಯಮೊಲೆಡ ಪಾತೆರ್ನ ಜನಾರ್ಧನ ರೆಡ್ಡಿ ನವಂಬರ್ ತಿಂಗೊಲುದುಲಯಿ ಸಿದ್ಧರಾಮಯ್ಯೆರ್ ಮುಖ್ಯಮಂತ್ರಿ ಸ್ಥಾನೊ ಬುಡ್ದು ಕೊರ್ಪುನ ಬಗೆಟ್ ದುಂಬೇ ಪಾತೆರಕತೆ ಆತ್ಂಡ್. ಕಾಂಗ್ರೆಸ್ ಪಕ್ಷೊದ ಹೈಕಮಾಂಡ್‌ಗ್ಲಾ ಉಂದೇ ವಿಚಾರೊನು ಸಿದ್ಧರಾಮಯ್ಯೆ ಪನ್ತೆರ್. ದೇವರಾಜ ಅರಸ್ ಆಡಳಿತೊದ ಅವಧಿರ್ದ್ ಒಂಜಿ ದಿನ ಎಚ್ಚ ಅಧಿಕಾರ ಮಲ್ಪೊಡು ಪನ್ಪಿನ ಸಿದ್ಧರಾಮಯ್ಯೆರೆನ ಆಸೆ. ಅವೆರ್ದ್ ಬೊಕ್ಕ ಮುಖ್ಯಮಂತ್ರಿ‌ ಸ್ಥಾನ ಬುಡ್ದು ಕೊರ್ಪೆ ಪನ್ದ್ ಹೈಕಮಾಂಡ್‌ಗ್ ಪಾತೆರ ಕೊರ್ತೆರ್. ಈ ವಿಚಾರೊನು ಯಾನ್ ಸಂಡೂರು ಉಪ ಚುನಾವಣೆದ ಪೊರ್ತುಡುಲಾ ಪನ್ತೆ. ಅಧಿಕಾರ ಪಟ್ಟೊನುನೆಟ್ 50-50 ದ ಲೆಕ ಮಲ್ತೊಂದೆರ್.

ಅಂಚಾದೇ ಡಿ.ಕೆ.ಶಿವಕುಮಾರ್ ಐಕ್ ಫೌಂಡೇಶನ್ ಪಾಡೆರೆ ಸುರು ಮಲ್ದೆರ್. ಅಂಚಾದ್ ದೇವರಾಜ ಅರಸ್‌ರೆನಾತ್ ಆಡಳಿತ ಅವಧಿ ಕರಿನೇ ಸಿದ್ಧರಾಮಯ್ಯೆ ಅಧಿಕಾರ ಬುಡ್ದು ಕೊರ್ಪುನ ಸಾಧ್ಯತೆ ಉಂಡು. ಇಜಿಂಡ ಡಿ.ಕೆ.ಶಿ ಒತ್ತಾಯೊಡು ಮುಖ್ಯಮಂತ್ರಿ‌ ಕುರ್ಚಿ ಒಯ್ತೊಂದು ಕುಲ್ಲುನೆಟ್ ಒವ್ವೇ ಅನುಮಾನ ಇಜ್ಜಿ, ಡಿಕೆಶಿ ಅಧಿಕಾರ ಗೆತೊಂದೇ ಗೆತೊನೊಡು ಪನ್ಪಿ ಉಮೇದ್‌ಡ್ ಉಲ್ಲೆರ್ ಪನ್ದ್ ಗಾಲಿ ಜನಾರ್ಧನ ರೆಡ್ಡಿ ಪನ್ಡೆರ್.