Last updated on July 18th, 2025 at 06:17 pm
ಕಾರವಾರ, ಜು 18: ಉಜ್ಜಾಲ್ಡ್ ಗೊಬ್ಬುನಗ ಪೊಣ್ಣನ ಚೂಡಿದಾರದ ಶಾಲ್ ತಿಕೊಂದು 12 ವರ್ಸ ಪ್ರಾಯೊದ ಪೊಣ್ಣು ಬಾಲೆ ತೀರ್ದಿನ ನಡಕೆ ಭಟ್ಕಳ ತಾಲೂಕ್ದ ತೆರ್ನಮಕ್ಕಿದ ಸಬ್ಬತ್ತಿಡ್ ನಡಯ್ದ್ಂಡ್.
ತೆರ್ನಮಕ್ಕಿ ಸಬ್ಬತ್ತಿ ನಿವಾಸಿ ಪ್ರಣಿತಾ ಜಗನ್ನಾಥ ನಾಯ್ಕ(12) ತೀರ್ದಿನ ಪೊಣ್ಣು. ಶಾಲೆಗ್ ರಜೆ ಇತ್ತಿನೆರ್ದಾವರ ಇಲ್ಲಡ್ ಉಜ್ಜಾಲ್ಡ್ ಗೊಬ್ಬೊಂದಿತ್ತಲ್. ಗೊಬ್ಬುನಗ ಪ್ರಣಿತಾನ ನಾಲಿಡಿತ್ತಿನ ಶಾಲ್ ಉಜ್ಜಾಲ್ಡ್ ತಿಕೊಂದು ದಮ್ಮು ಕಟ್ಟ್ದ್ಂಡ್. ಉಂದೆನ್ ತೂದು ಮುಟ್ಟದ ಆಸ್ಪತ್ರೆಗ್ ಲೆತೊಂದು ಪೋನಗನೇ ಸಾದಿನಡುಟು ತೀರ್ದಲ್. ಈ ಬಗೆಟ್ ಮುರ್ಡೇಶ್ವರ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.