Last updated on July 19th, 2025 at 12:21 pm
ಎಲ್ಯಮಗಲ್ನೂರು, ಜು 19: ಪ್ರೈವೇಟ್ ಬಸ್ ಒಂಜಿ ಡ್ರೈವರ್ನ ಅಂಕೆ ತತ್ತ್ದ್ ಕಬ್ಬೆ ಬೂರ್ದಿನ ನಡಕೆ ಮೂಡಿಗೆರೆ ತಾಲೂಕ್ದ ದೇವನ ಗೂಲ್ ಗ್ರಾಮೊದ ಕೈತಲ್ ನಡತ್ದ್ಂಡ್. ನಡಕೆಡ್ 25ರ್ದ್ಲಾ ಎಚ್ಚ ಜನಕ್ ಗಡಿಕುಲಾತ ಪನ್ದ್ ವರದಿ ಆತ್ಂಡ್.
ಬೆಂಗಳೂರ್ರ್ದ್ ಕುದುರೆಮುಖಗ್ ಪ್ರವಾಸೊಗು ಪೋವೊಂದುಪ್ಪುನಗ ಈ ನಡಕೆ ನಡತ್ದ್ಂಡ್. ವೀಕೆಂಡ್ ಪನ್ದ್ ಎಂ.ಎನ್.ಸಿ ಕಂಪನಿಡ್ ಬೇಲೆ ಮಲ್ಪುನ 40ರ್ದ್ಲಾ ಎಚ್ಚ ಜವನ – ಜವನ್ದಿಯರ್ಲು ನೇತ್ರಾವತಿ ಪೀಕ್ ಟ್ರೆಕ್ಕಿಂಗ್ಗ್ ಬತ್ತಿತ್ತೆರ್. ತಿರ್ಗೆಲ್ಡ್ ಡ್ರೈವರ್ನ ಅಂಕೆ ತತ್ತ್ದ್ ಬಸ್ ಕಬ್ಬೆ ಬೂರ್ದ್ಂಡ್. ನಡಕೆಡ್ 25ಕಯರ್ದ್ಲಾ ಎಚ್ಚ ಜನಕ್ ಗಡಿಕುಲಾತ. ಇರ್ವೆರೆ ಸ್ಥಿತಿ ಸೀರಿಯಸ್ ಆದುಂಡು.
ಗಡಿಕುಲಾತಿನಕ್ಲೆನ್ ಮೂಡಿಗೆರೆ ಬೊಕ್ಕ ಚಿಕ್ಕಮಗಳೂರು ಆಸ್ಪತ್ರೆಗ್ ದಾಕಲ್ತ್ದೆರ್. ಮೂಡಿಗೆರೆ ಪೊಲೀಸ್ ಸ್ಟೇಶನ್ ಸೀಮೆಡ್ ಈ ನಡಕೆ ನಡತ್ದ್ಂಡ್.