Last updated on July 20th, 2025 at 10:30 am
ಧರ್ಮಸ್ಥಳದ ಪ್ರಕರಣೊಡು ಸರಕಾರ ಒವ್ವೇ ಒತ್ತಡೊಗು ಬಗ್ಗುಜಿ. ಇತ್ತೆನೇ ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಈ ಜಡ್ತೆದ ವರದಿ ಬತ್ತಿಬೊಕ್ಕ ಚರ್ಚೆ ಮಲ್ತ್ ಎಸ್ಐಟಿ ಮಲ್ಪುನ ಬಗೆಟ್ ನಿರ್ಧಾರ ಮಲ್ಪುಂಡು ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಪನ್ಡೆರ್.
ಪೋಲೀಸೆರ್ ಇನಿ ಇಜಿಂಡ ಎಲ್ಲೆ ವರದಿ ಕೊರ್ಪಿನ ಸಾಧ್ಯತೆ ಉಂಡು. ಒಯಿಲ್ ಕೊರ್ತಿನ ಜನ ಕರಿನ ಪತ್ತ್ ವರ್ಸ ಪತ್ತೆ ದಾಂತೆ ಇತ್ತೆ ಒರಾನೆ ಪೋಲೀಸೆರೆನ ಎದುರು ಬೈದೆರ್. ಆರ್ ದಾದ ಪನೊಡಾ ಅವೆನ್ ಪನ್ತೆರ್. ಪುನೊಕುಲೆನ್ ಕೋಂತುದಿನ ಅಂಚೆನೆ ಅವೆನ್ ನಾಡರೆ ಸಕಾಯ ಮಲ್ಪುನ ಬಗೆಟ್ ಪನ್ತೆರ್. ಎಂಕುಲು ಕಾನೂನು ರೀತಿ ಉಂದೆನ್ ಜಡ್ತೆ ಮಲ್ಪುವ, ಕಾನೂನುಡು ದಾತ ಅವಕಾಶ ಉಂಡಾ ಅವೆನ್ ಮಲ್ಪುವ ಪನ್ದ್ ಪನ್ಡೆರ್.