Last updated on July 21st, 2025 at 08:14 am
ಬಂಟ್ವಾಳ, ಜು 21: ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಪಿಎಸ್ಐ ಆದಿತ್ತಿನ ಖೀರಪ್ಪೆ ಪನ್ಪಿನಾರ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್.
ಖೀರಪ್ಪೆರ್ ಕರಿನ ನಾಲ್ ತಿಂಗೊಲುರ್ದಿಂಚಿ ಬಂಟ್ವಾಳ ಗ್ರಾಮಾಂತರ ಸ್ಟೇಶನ್ಡ್ ಪಿಎಸ್ಐ ಆದ್ ಬೇಲೆ ಮಲ್ತೊಂದಿತ್ತೆರ್. ಕೋಡೆ, ತಾನ್ ಇತ್ತಿನ ಬಾಡಾಯಿದಿಲ್ಲಡ್ ಆತ್ಮಹತ್ಯೆ ಮಲ್ತೊಂದೆರ್.
ಉತ್ತರ ಕನ್ನಡದ ಕಾರವಾರ ಮೂಲೊದಾರಾಯಿನ ಮೇರ್, ತೇದಿ 19.07.2025 ತಾನಿ ರಾತ್ರೆ ಗಸ್ತ್ ಬೇಲೆ ಮಲ್ತಿತ್ತೆರ್, ಕೋಡೆ ಕಾಂಡೆ ಸ್ಟೇಶನ್ರ್ದ್ ಕಾಲ್ ಮಲ್ಪುನಗ ದೆಪ್ಪಂದಿನೆರ್ದಾವರ ಸ್ಟೇಶನ್ ಸಿಬ್ಬಂದಿಲು ಇಲ್ಲಗ್ ಬತ್ತ್ದ್ ಪರಿಶೀಲನೆ ಮಲ್ಪುನಗ ಬಲ್ಲ್ ಪಾಡೊಂದಿನ ಸ್ಥಿತಿಟ್ ತಿಕ್ಕ್ದೆರ್. ಈ ಬಗೆಟ್ ಬಂಟ್ವಾಳ ಗ್ರಾಮಾಂತರ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ವೈಯುಕ್ತಿಕ ಅಂಚೆನೇ ಕಾಸ್ದ ಸಮಸ್ಯೆರ್ದಾವರ ಆತ್ಮಹತ್ಯೆ ಮಲ್ತೊಂದೆರ್ ಪನ್ದ್ ಪನೊಂದುಲ್ಲೆರ್.