Last updated on July 25th, 2025 at 12:31 pm
ಬೆಂಗಳೂರು, ಜು. 26: ಎಸ್ಎಸ್ಎಲ್ಸಿ ಪರೀಕ್ಷಾ ನೇಮೊಲೆಡ್ ಕೆಲ ಪಗತೆಲೆನ್ ಕನಯೆರ ಕರ್ನಾಟಕ ಶಾಲಾ ಪರೀಕ್ಷೆ ಬೊಕ್ಕ ಮೌಲ್ಯನಿರ್ಣಯ ಮಂಡಳಿ ಪಿದಡ್ದ್ಂಡ್. ಸಿಬಿಎಸ್ಇ ದ ಲೆಕನೇ ಎಸ್ಎಸ್ಎಲ್ಸಿ ಪರೀಕ್ಷೆ ಮಲ್ಪೆರೆ ಶಿಕ್ಷಣ ಇಲಾಖೆ ಅಟ್ಟನೆ ಮಲ್ತೊಂದಿತ್ತ್ದ್, SSLC ಪರೀಕ್ಷೆದ ಪಾಸಿಂಗ್ ಮಾರ್ಕ್ನ್ ಕಮ್ಮಿ ಮಲ್ದೆರ್. ನನ ಎಸ್ಎಸ್ಎಲ್ ಸಿ ಪರೀಕ್ಷೆಡ್ ಲಿಖಿತ ಪರೀಕ್ಷೆ ಬೊಕ್ಕ ಆಂತರಿಕ ಮಾರ್ಕ್ ಸೇರ್ದ್ 100ಕ್ ಕಮ್ಮಿಡ್ ಶೇ. 33 ಮಾರ್ಕ್ ಬತ್ತ್ಂಡಲಾ ಪಾಸ್. ಈ ಬಗೆಟ್ ರಾಜ್ಯ ಸರ್ಕಾರ ಜುಲೈ 24 ತಾನಿ ಅಧಿಕೃತ ಅಧಿಸೂಚನೆ ಪಿದಡ್ಪಾದ್ಂಡ್.
ದುಂಬು ಒಟ್ಟುಗು ಪಾಸಿಂಗ್ ಮಾರ್ಕ್ 35% ಇತ್ತ್ಂಡ್. ಪಾಸ್ ಆಯೆರ ಪ್ರತಿ ವಿಷಯೊಡು 35 ಮಾರ್ಕ್ ಗೆತೊನೊಡಿತ್ತ್ಂಡ್. ನನ ಪ್ರತಿ ವಿಷಯೊಡು 30 ಮಾರ್ಕ್ ಗೆತೊಂಡಲಾ ಪಾಸ್. ಪನ್ಡ ಪಾಸಿಂಗ್ ಅಗ್ರಿಗೇಟ್ 33% ಬರೊಡು. ಸಿಬಿಎಸ್ಇ ಮಾಡಲ್ಡ್ ಇಂಚೆನೇ ಉಂಡು. ಓವರ್ಆಲ್ ಅಗ್ರಿಗೇಟ್ ಪಾಸಿಂಗ್ ಮಾರ್ಕ್ಸ್ ಶೇಕಡಾ 33ಕ್ ಜಪುಡಾದಿತ್ತ್ದ್, ಎಸ್ಎಸ್ಎಲ್ಸಿ ಪರೀಕ್ಷೆಡ್ 625ಕ್ 206 ಮಾರ್ಕ್ ಗೆತೊಂಡ ಪಾಸ್. ನನ ಈ ಬಗೆಟ್ ಸರ್ಕಾರ, ಸಾರ್ವಜನಿಕೆರೆ ಅಕ್ಷಪಣೆ ಗೆತೊನೆರೆ ಇತ್ತ್ದ್, ಜನೊಕುಲು ಅಭಿಪ್ರಾಯೊನು ತೆರಿಪಾಯೆರೆ 15 ದಿನ ಕಾಲಾವಕಾಶ ಕೊರ್ತುಂಡು.